來自：樹雄
時間：Fri 2019-02-01 21:21:48
來自：樹雄
時間：Tue 2019-01-29 14:17:33一個唔太主流，但解決左 dark matter / dark energy 問題的物理框架
聽到 Unruh Effect 已經跟唔到，唔好講 Unruh Radiation
但好得意
呢個長啲嘅 talk 講得清楚少少
基本思路（好似係）︰
1. 首先，點解物理學需要搵「暗物質」 (dark matter) 打救？因為觀察其他銀河系時，發覺核心相比外圍，轉得比預期快好多，啲銀河系無理由夠引力拉住近核心嗰啲星體令佢地唔飛走，所以判斷︰啲銀河一定有難以觀察的物質存在，令到佢地夠質量拉住中心附近啲星體。
2. 但反過嚟諗，會唔會係核心無轉得太快，而係外圍轉得太慢，令啲人低估啲銀河嘅質量呢？咁咪唔使盲中中走去搵「暗物質」囉？
3. 星體圍繞銀河核心運動，其實係向心加速。如果加速度唔可以無限減低，而係只有有限的加速度等級，咁加速度低到咁上下，就會被逼減少加速度，甚至失去加速。情況同量子的能量級只有有限合理狀況一樣。
4. 根據「量化慣性論」 (Quantized Inertia)，物體之所以抵抗加速，係因為佢本身加速時，會產生「安魯效應」(Unruh Effect)，喺佢加速方向背面產生一個可觀宇宙咁大 (Hubble Scale) 的事物地平面 (Horizon)，地平線會向外散發「安魯輻射」(Unruh Radition) 散失能量，向移動中的物體產生吸力，阻止佢加速，形成慣性。
5. Unruh Effect 產生的機制，同霍金輻射差不多，在於真空中自然產生的正反粒子對，在「地平面」(Horizon) 上分道揚鑣，形成在地平面外輻射散失能量。但根據量子力學，粒子的能量只有有限的合理等級（就是所謂的「量化」Quantize），所以有最低的限制。一旦過低便會消失。
6. 如果這個理論屬實，則銀河外圍的星體可以由於加速度太低，而失去加速，從而令 (2) 的解釋有可能。