Wandering and wonderings

你的名字

主題

| 來自：ywsing0
| 時間：Sat Jan 20 11:53:12 2007
|
| <table width=600><tr><td><font face=simsun>M2, don't oversing.
| 
| 
| 星期三幾個 IE00 飯聚, 很多人對報紙上的消息都有興趣. 原來剛結婚的 Gary 跟老婆是舊情復熾.
| 
| 
| LWK 興致勃勃的帶大家到花滿樓吃飯, 除了像沙粒糕一樣的甜品外, 味道果是不錯的. 走的時候伙記一肚脾氣的樣子, 碗筷收拾得"ping ling pang lang," 是咱們幫襯不夠嗎? 你睇下, 三個女仔夾個男仔食兩個餐 (仲有個小籠包...)</font></td></tr></table>
| 
| 
| ※
| 
| 
| <table width=600 cellpadding=16 border=1 bordercolor=#555555><tr><td><b>時地人:做個快樂後援　鄧佩詩</b>
| 
| 綠茵場上，從來都是男性的天地，即使是看台上邊講粗口邊睇波的球迷，也以男士為主，但20歲的少女鄧佩詩，是萬綠叢中的一點紅。
| 這一點紅，只有在剛升上甲組的本地足球隊「和富大埔」出賽時，才會出現，因她是球迷會會長。
| 上季，本地賽事入場人數經常只有三幾百，但今季「和富大埔」平均都過千，撐場的多是大埔街坊，阿詩便是四出召集fans的人物，九月底主場對南華一役，更迫爆了大埔運動場的2,500個座位。
| 其實三年以來，每逢球隊出賽，阿詩均是捧場客，當上會長後，更義務地付出了大量餘暇時間。別人笑她枉花心機、又認為本地足球員沒前途，但她不以為然：「其實我好羨慕班球員，因為佢可以搵到人生目標同理想。」
| 原來她欣賞的不僅是足球，更欣賞的是肯為夢想而勇往直前的人。
| 多年來，她默默支持身邊人尋夢，卻找不到人支持自己的夢。她支持男友放棄工作，做全職足球員；但自己想讀設計，卻得不到支持，「讀設計搵唔到食呀，最後咪讀B.A.！」
| 在她心目中，做別人的後援，也是快樂的。
| 
| 壹本便利第773期
| 
| 其實除了比賽外，球隊日常操練時，放學後的阿詩也經常出現為球隊打氣。
| 記者到大埔廣福球場看球隊練波，發現5呎4吋身高嬌滴滴的她一早已到場，一班球員個個汗流浹背，但從她身上卻隱隱發覺有陣陣香水味，球員碰見她，都親切地揮一揮手，帶點粗豪地叫她的綽號：「大佬B！」
| 「幾年前，有球員仲係我同學，佢成日掛住踢波，但係功課又未做完，於是就猛叫我：『大佬、大佬，幫手做啦！』初頭就叫我『大佬詩』，後唔知點解變『大佬B』。」這個稱號是她與球隊間的連繫，她很受落。
| 
| 
| 只愛看大埔隊
| 02年大埔足球隊成立，翌年成為丙組球隊，當時讀中五的「大佬B」便開始支持球隊：「我有幾個男同學加入呢隊波，佢有比賽就會叫其他同學捧場，初時我都係諗住支持班friend，點知睇睇自己鍾意埋足球。」
| 以前，她連一場足球比賽打90分鐘也不知道，今日就對「越位」、「插水」等足球術語瞭如指掌，但她仍只愛看本地波和大埔隊的賽事，「英超」、「西甲」甚至早前的「世界盃」也很少看，「最近屋企仲cut埋有線。」
| 
| 
| 欣賞別人追夢
| 與其說她喜歡足球，不如直接說她喜歡的是大埔隊的球員：「我睇認識朋友踢波，會覺得肉緊同刺激好多。其實，我好羨慕佢，因為佢搵到人生目標同理想，為目標不斷奮鬥。」
| 她的男朋友是球隊前鋒李威廉，是上季隊中神射手，升上甲組後，隊中請了外援前鋒，他變成後備，但為了實現足球夢想，他放棄了一份收入穩定的保安工作，當全職足球員博一鋪，月薪只有數千元。
| 「大佬B」當然也全力支持：「我同佢講：『既然你咁有決心，我一定會支持。』我覺得即使將來唔成功，佢都算係盡過力。」
| 不單只男朋友，「大佬B」也羡慕其他球員的努力：「佢真係好捱得，我都好佩服佢鬥心。好似踢後衛蘇海明，正職係司機，每日凌晨就要開工運冰鮮雞，佢為繼續做足球員，每日要分兩段時間。」
| 練完波有時間的話，「大佬B」便會跟球員一起去吃宵夜，大家有講有笑，不過大埔隊中不少球員卻要趕上班，又或是要回家休息準備明早再操練。
| 
| 
| 身支持球隊
| 球迷會今年9月開季前才成立，連同「大佬B」四名幹事，目前會員只有十多人，每次球隊出賽，她都要竭盡所能叫多些人入場支持。「我每次都會打電話畀區內學校、街坊同朋友，好在球隊本身多大埔街坊支持，所以都keep到多人捧場。」
| 球隊的代表作是主場對「南華」那場波，賽前「大佬B」一早便coldcall打電話聯絡區內中小學，加上好多街坊熱烈支持，結果2,500張門票全部賣清，是香港聯賽中罕見。比賽當日，她更帶備打氣棒派發全場，又派人帶領叫喊打氣。
| 雖以最終2比3落敗，但觀眾全程不斷揮動打氣棒吶喊助威，打鑼打鼓，聲勢浩大，縱使輸波，觀眾仍拍爛手掌。
| 但賽後興奮的「大佬B」還要負責收拾鑼鼓，又呼籲球迷執拾看台上的垃圾。「平時除要預備現場打氣之外，都要幫球迷買自己隊球衣、賣波飛，我仲整個網頁，回覆球迷查詢同意見。遲我想搞個BBQ，等球迷可以多同球員接觸。」
| 「和富大埔」本身就是香港球壇的一個奇蹟，亦實踐了一班球員成立球隊並升上甲組的夢，「大佬B」不問酬勞，付出這麼多，都是想繼續支持別人去追夢：「我知好多人認為做本地球員前景暗淡，好難闖出頭，不過我認為做人為追求夢想，花多時間盡力去追求先至不枉此生。」
| 
| 
| 找人支持自己
| 身邊的人個個去追夢，但「大佬B」至今仍原地踏步，彷彿自己從來沒有理想。比如說她讀中六那年，為支持好友學跆拳道，竟陪人家一起學了一年。「我一向都唔鍾意運動，不過我同班同學真係好想學，所以咪陪佢一齊學，後都識到跆拳道班friend。」
| 「大佬B」家住大埔太和，一家五口只有她愛看足球，父母對她一直寬鬆，從來沒迫她做任何事，學業方面也「順其自然」，結果她中學會考獲兩C共14分，去年中七A-level成績不大理想，打算找份正職，家人和男友都沒有意見。
| 後來她在保險公司找到一份秘書工作，上司卻鼓勵她繼續進修，「老闆（上司）話我點解咁細個就唔讀書，叫我搵讀。我鍾意畫畫，想讀設計，點知老闆話：『讀設計搵唔到食喎！』」幾經掙扎的她，最後一刻還是報讀了職業訓練局工商資訊學院的工商管理兩年制高級文憑課程，將於明年中畢業，原因是讀B.A.，將來有穩定收入。
| 「其實我好多謝我老闆，因為佢好支持我讀書，佢仲應承我繼續請我做兼職，返工時間會就我返學，任我編排。」但問她讀B.A.是否她的理想？她卻變得啞口：「其實，我自己都係唔係太鍾意B.A.……下年我就畢業喇，家我仲諗緊讀唔讀degree，讀大學一年要5萬幾蚊……我都好希望有人支持我行下一步！」
| 
| 
| 永遠支持大埔
| 訪問過程「大佬B」有問必答，唯一不願提「男朋友」。她解釋：「我唔想俾人覺得我係因為佢先至支持隊波，更加唔想俾人覺得我偏幫佢；如果佢將來有機會轉會其他隊，我都一定會繼續支持大埔隊。」</td></tr></table>
| 
| 
| Admiring.