來自：ywsing0
時間：Sun Jan 21 02:24:27 2007
| 急景殘年, 太子街上的人都多起來, 很擠湧. 上完課去訂場, 年三十整天都有位, 始終要找公眾假期. 想去圖書館卻記錯, 五時便收檔, 在球場坐一會. 坐巴士往尖咀有個多咀得好煩的細路, 一開車就叫人「你企出黃線外係唔畀架」 (德國佬!?), 但佢行車途中同司機講野就大條道理咁畀, 我問佢佢又話之前個司機好唔畀佢講野. 看得出個人有問題, 但, 呢種管人唔管自己真係典型香港人作風. 夜遊油尖, 連 HMV 的古典部都沒啥好聽. 佐敦都有街舖﹑大排檔, 尤如香港的饒河街. 還有阿伯在賣不知是第ｎ手的舊手提電腦, 我敢肯定個老野唔知賣自己的東西係做乜的－－千元上下的價錢牌沒有一點配件的解說, 坦白講 $1500 一部 ACER TravelMate 313T 係舊但幾經濟喎, 假如買返黎硬件沒問題的話, 電腦商場的二手機都兩三千啦. 看一本講香港出路的書, 提及旅遊業﹑物流﹑文化﹑創意等, 又引述很多名人的說話. 有好也有差, 不提不知, 香港貨櫃碼頭的貨運量已在幾年間被深圳追上, 連甚麼物流都像變成夕陽工業, 遲早被大陸吞併. 大公司北移建立總部, 卻有人在港生產中藥 (希望德裕搵到份好工做啦...) 旅客在香港看不到一個文化樣貌, 卻聞到鬧市街頭混和汗味廢氣味的香港味, 也看到近在咫尺的郊野美景. 九七年行將執笠的海洋公園, 今日用真動物公園擊敗假動物樂場 (叫好!), 書中說是董生用人得當, 咁講呢位前特首都有做過好野. 看了書本大半內容, 覺得香港其實是一大班各有所圖的人組成－－有人想保存灣仔老街, 有人卻聲稱新型展覽館非建在灣仔不可 (是嗎?); 很多人呼籲保存旺角唐樓, 但我去到波鞋街卻見到業主大字標語支持重建 (有大筆補償嘛?); 西九, 有人要歌劇院, 有人要音樂廳, 有人要粵劇院, 有人要書法館, 有人要地產, 但好明顯資源有限; 公有理﹑婆也有理, 發展一樣野有時跟發展第二樣相違, 執政者做的工作要從中協調而非以單一意見行事, 結果卻八面不討好, 香港人要多奄尖有多奄尖嘛. 很多事情, 甚麼香港的核心價值﹑甚麼業界的路向, 根本沒人作得了主, 還是要時間去判定. 來句昨天聽過的老套話, 凡事有不好也有好. 有民主咪好lor, 人民選出來的政府, 做成點樣市民都冇得怨. 「上天安排你既另一半俾你，係同你互補長短。如果同你一模一樣既，果個叫做複製人啦。」 細細個夢到買玩具﹑行街街﹑拍拖拖, 幾開心呀. 人生最興奮都係中四五六果排, 果時真係放假唔返學會唔開心的. 而家人大左, 連好夢都發少左. 樹雄你玩 bt 乎, 部機咁乸慢... btw, 同事話我呢排爛口左. ※ 唔准你講埋d慘野變態野!! |