來自：文盲
時間：Mon Jan 29 00:54:02 2007
來自：ywsing0
時間：Mon Jan 29 00:23:59 2007無話邊個抄邊個, 呢d叫英雄所見略同.
原來城大管弦樂團有Sir Gorden呢條大水喉照住, 唉~~~~~只能咬碎銀牙, 好生羨慕.
甚麼傢伙?
冇乜好羨慕, 想指所以做指揮﹑做指揮所以有得指, 已經得其所哉.
我諗起積琪蓮跟口講的一句話...
胡應湘．
如果有一日中大合唱團有錢響日本/匈牙利/美國/瑞典大師做音樂總監兼指揮, DG/Decca/Naxos搵我地出碟, 去tour係可以去歐美巡迴唔使團員自己出一分一毫．
我可以作為一個咁勁既團既歷史上的一個過客, 已經與有榮焉． (當然, 到果一日我仲可以做一個小小的校友團員唱埋一份就更好)．
佢地一日繼續無錢，一日繼續要搵我呢ｄ唔入流（九流都無）指揮免費供應．咁咪年年去tour見識下都要諗過度過，搵人教唱歌又唔使旨意，concert唱得好唔好都要屈團員屈親朋戚友黎睇．
如果李嘉誠真係包起左我地，第一件事就係要請過個好既指揮同埋請聲樂指導，至於鋼琴伴奏，當然繼續俾積奇蓮．李留任，以後有人工出不特止仲要補返以前果ｄ－－如果李嘉誠真係「包起」左我地的話．
唔理有無有錢佬贊助，人地搞樂團搞合唱團可以真接同校訪實報實銷，用學校場地唔使錢？我地就要報大數俾人還價先得到雞碎咁多連一個學年場租都唔夠俾？學生用學校地方搞學生活動已經夠晒搞笑．
講到尾，唔係嫌無錢，而係相比之下點解做同一樣野，人地做可以得到校方支持，我地做學校就不聞不問話之你死！
我唔會諗靠學校或者要學校／學生會改變ｄ乜，所以你見我係羨慕人地有胡爵士撐，而唔係羨慕學校撐．
學校愈唔理我地我地就愈要自己搞起佢．我要有一日，中學生係因為想join中大合唱團所以先揀中大／我要有一日，傳媒有興趣執道我地演出，然後我地當時既團長好大聲咁講：「我地係一切資源及成就都係我地歷年既團員團長指揮自己爭取返黎ｌｏｒ，校方其實對我地都好放任，亦都好公道唔會對我地特別照顧ｌｏｒ．」
半夜三更......都係發開口夢既時間．