過年

年廿八晚剪頭髮了, 插曲是吃過蘿蔔糕後不斷放屁, 打破了響屁不臭的定律. 媽要一面剪﹑一面四圍走避. 妹買了新 D cam, 不過舊的壞了. 美樂集封面﹑飾演秦始皇的多明高看來比以前還年輕, 拉面皮下了不少功夫吧. 快點放假啊, 我要的是鬆弛.

好怕被悲觀的人影響. 發脾氣的其中原因, 是我覺得很不夾, 太多的無法理解.

年廿九﹑三十兩日行了三次年宵, 第一晚下班坐電車到西環找爸媽妹, 又去維園看熱鬧. 父子買了震頸墊和震腰墊、妹買了手信給台灣朋友、爸媽買了花.

年卅朝早羽毛球, 人丁還是缺少, 九公場冇乜冷氣熱到個個媽媽聲. 雅蘭五樓的阿琪瑪雲南菜有很多菜, 比醫生建議三份飯兩份菜一份肉還要多 (中大團愛菜之人不妨一試).

上完堂 KL 要買花, 走的時候好像都沒買到. 逛花墟年宵, 原來培正有在此擺檔, 中同吳後來說「有一個靚女」云云 -_- 另外買飛機籃的時候賣家是個披頭散髮﹑頹廢模樣的女仔－－「阿醒，係你呀？我係荔枝呀！」咪就係中學集會坐我前面果個, 因乜事個樣搞到咁殘, 定係通左幾晚頂黎睇舖......

晚上和母家團年, 表姐出嫁後只餘我和細妹兩個小輩人, 不那麼熱鬧了. 青姨教導之下, 我呢世人第一次咬得開瓜子喇, 差唔多有一半係未碎晒可以成功食到架!! 吳打來約行年宵, 果日打完波都仲未整潔過, 係佢屋企沖埋身先出發. 呢晚維園未入去已經超多人打蛇餅, 入到去行左一條街真係頂唔順. 觀察一下其實人群咁多的時候舖頭未必係做多左交易, 塞係中間果班跟本冇得行埋黎, 側邊的又唔係咁多人買. 吳﹑王買了桃花想走桃花運, 不過那堆十元一枝桃花生得不怎麼.

初一起床正好趕上８號巴士, 街上沒有舖頭靜悄悄的沒人車子也少, 心想如果天天是這樣環境問題大概會消失. 集齊上叔婆屋企吃春卷, 再上九龍塘大伯的大屋呃利是. 間屋太大喇, 打理都超煩. Catherine怕怕的模樣很有心事, 她媽之前說她不喜中文要轉國際學校, 大伯卻拒絕了呢. Michael也不比上次的熱情. 四伯轉送大伯條紅tie畀我, 咁搶眼真係點打得出街呀. 九姑姐送了雙碟版 The Best of Pav 給我, 雖是中文版包裝還夠精美. 或者我應該畀吉利﹑比約寧﹑巴貢西﹑卡雷里﹑幾個名佢, 多點禮物收嘛 :-P

午間到萬寶齋－－昨天才聽中同說討厭用齋扮的葷肉, 今天不知吃了多少色素. 七八樣不同菜色, 佢居然可以整個碟碟一個味道, 作法一模一樣又多"獻"又多油, 拜託, 下年別來這間啦......

我只可以說真話, 但我的心底話都是不好聽的. 今日, 似赤口多過初一.

Laisee:
$500 x 1
$100 x 11
$50 x 4
$20 x 10
First Day Total $2000

※

”不知什麼時候開始，市面上出現無限種「限量版」的商品。
狗屎垃圾打個「限量版」的印，就會有客到。
簡直是浪費地球資源。

地球只有一個，也是限量版。”(kykykyky)

※

我絕對不適宜愛情.
點解會發生係我身上? 進退維谷.
I really can't make this promise.

...La traviata......