韓式生日會

晚上替哥白尼．黃﹑威爾斯．陳﹑潘小姐"慶生," 在美麗華吃韓燒. 原來高級韓燒是侍應替你擺好爐上食物兼弄好的, 絕不用自己出手, 韓陽苑那些就低格很多了. 這也比較對路, 那些自助燒烤也不知自己怎箇燒個韓風出來, 總有專人手勢才行. 熟食也有幾碟, 食物沒有想像中那麼火滾熱氣, 雖然不經意嚐著泡菜辣得叫救命. 飯後來的朱古力雪糕蛋糕很yummy... 我始終不懂如何去唱生日歌, 反被人指歌聲憂傷, 有沒有名家演繹的錄音參考?

不過每人三百元的帳單我就自認有點吃不消了, 但更不忿的是頭大冇腦唔識計數的陳小姐來做分帳, 見佢口唸的式子真是加減不分, 不知怎地湊起來總數少八百元, 又敷晒衍咁除開多次叫大家補足; 頂丫, 我點知係邊條粉皮冇畀到錢 (生日者不算), 甚至係入面囉錢呀!!

不知何故中同們的9up比率總是比別人多, 無聊程度實在無與倫比. 趁未夠夜再上某咖啡座飲野, 陳小姐不斷追問避孕秘訣, chchan總是尷尬搖頭不答. 你一言我一語：「condom囉！」「仲有，計安全期囉！」「你用邊樣？」「佢自己揀架喎，我點知？」「會唔會兩樣一齊做？」「…」「邊種舒服ｄ？」「我點知？」「你係用家喎，點解唔知？」「……」「有冇用過某牌子的冷熱condom??」「下？」「點樣冷同熱法～」「有唔同感受囉～」「係咪拎去微波爐叮一叮先？」「叮得黎都趕唔切啦…」「咁先進，駛唔駛入電架？」「痴線啦！好似有ｄ物料可以冷熱溫度變化架！」「可能個套有ｄ石灰粉，產生化學作用……」「咁，會塞住架喎！」「凍呢，係咪有冷氣機？」…………