白蜡灣

黃昏與朗奴等出發中大團夏令營, 六時的會合時間有點太遲. 入西貢坐不到躉, 超市入貨後發現下班 94 尚有廿五分鐘, 又得知營友們經已開飯, 便找檔子快吃個車仔麵. 到白蜡灣入口已近九時, 摸黑走路入村.

之前去過的渡假屋都夠豪, 今次的地點不盡令人滿意. 太偏遠, 此其一. 入屋放眼只有一排竹椅﹑一部雪櫃, 廳燈燒掉, 最受不了的廳中是冷氣欠奉. 空調睡房在閣樓, 樓底低矮, 大大碰了三次頭, 唯屋與屋間隔聲卻好. 準建築師王輕易找出不少「樓宇漏洞」來－－也許四百元的房租就是這個質素了.

安頓後往海灘唱歌觀星, 早應帶一本「康泰歌書」來. 黑帶跆拳道果不是說笑, 只可惜我的手筋腳筋卻硬. 玩猜殺手遊戲並沒太多規則可循, 第一輪開局即被宰無話可說, 第二輪篤Mark哥出來一句「沒嫌疑便是最大嫌疑」得多數贊同－－如果我是張偉大才不會第一個殺阿包呢, 那有這麼易露出馬腳的?

洗澡後便躲回房間hea, 朗奴說中大家都以為大家帶了玩意來, 結果只有一副牌﹑一部 NDS 一舖波子棋﹑外加渡假屋的麻雀. 六人大戰的情況不同, 波子膠住中間不好跳, 玩的時間長得多. 咱們正副會長各有脾性, 正者午夜呻吟, 副者丑時姣笑. 大家入營原來玩訓覺, 三時許鋤Ｄ都不夠腳, 唯有回房找床. 朗奴和國明佔了兩張小床別以為有賺, 睡著了個多小時大大跳進來, 大大的大大大字形咁攤係度訓, 迫到我死埋一邊牆角.

十時多再也睡不著出來吃早餐. 一場來到似乎應該去沙灘睇風景, 但係個太陽發左癲咁梗係留係屋啦. 好像不是第一次見識沉睡不醒的張, 一班人圍在背上玩蓋棉胎係可以完全若無其事. 未幾被踢席, 回房兩盤棋局後已見張公遽烈醉倒. 等等等下午已三時, 朱生照顧張公, 我就飛車去佐敦葉氏遞表.

出去條路都幾甘, 上斜路曬到暈. 結果叫的士直出西貢, 沒有坐第二次 94. 朗奴暈車不適, 遇上超好人既的士佬－－「搭的士乘客係包左車架，有權要求司機開大冷氣，司機唔開係唔應該架……」. 26 出城倒很快, 提款﹑交表去食野. 係白蜡灣咁耐都只係食左幾塊餅一杯麵, 汗水能量就燒耗得多, 減肥營乎.

吃晚飯時細妹回來了, 暫時又重回四人組. 聽說八月頭母家七兄妹聚首一堂, 一定要抽時間至得.