來自：ywsing0
時間：Sat Jul 28 21:38:23 2007
| 星期六落堂吃下午茶變成了習慣, 下課後有理沒理衝入卓文先算, 諗諗下自己又唔係咁餓. 哥白尼．黃打黎話約左我今日食晏 (@.@??), 他的原計劃碌ling臨時取銷正合吾意. 我都係鍾意專注自己所長的東西, 對轆地波沒甚麼興趣, 係就唔去架勒. 轉了旺角唱Ｋ才知胡蘆賣甚麼藥, 那兒其實湊合幾群人夾埋, 幾個中同外居然還包括 WWL, 事實他是查理斯．王的宿友 (ＩＡＳＷＡＡ - It's a small world after all...) 諗返起呢兩個人性格都幾似, 間接﹑斯文﹑不露針鋒, 相識未必是偶然. 聚會效果麻麻囉, 培正人們既怕外又內歛, 一堆坐一邊咁好似唱Ｋ玩搭檯咁. 大家連可以一齊唱的歌都搵唔到, 呵欠連連. 我, 上堂唱完大半套 VW 歌曲已經用盡聲音, 拎咪想唱 Wham 名曲炒得肉肉酸酸. 唱舊歌最忌見到超級老土那種 MTV (成日畀Ｋ友取笑), 我明明見過這曲有不錯的影片, 今日唱的麗圖卻換了是最老土的中坑鬼佬妹調情, 很是糟糕. 六時半匆匆撤退, 兩位姨媽從加拿大過來怎麼說也要見見. 小巴上何文田, 房協的職員飯堂質素依舊, 味精多過乜, 連最後上的西瓜蜜瓜都吸乾似地沒精打彩, 甜味冇汁水冇. (家陣食品基因改造兼假貨亂真的年代, 買到咁既瓜都唔係易事.) 膳後佢地幾個話去海旁吹風. 原本六個人佢地計議搭的士, 咁我話我唔去截少架, 點知睇到佢地係馬路對面又上左架小巴, 算喇... |