來自：文盲
時間：Tue Aug 07 00:42:46 2007
來自：ywsing0
時間：Tue Aug 07 00:01:13 2007
是夜母家共聚一堂, 橫誇太平洋兩岸的七兄妹情, 三十四年來血濃於水的重溫, 上一張齊人黑白舊照已四十三年. 一張黑白照包含這麼多東西, 小輩如我在旁聽著也覺不可思議. 勞碌中相會只此一晚, 童年歲月天下無敵, 愈窮愈亂愈動盪愈多野講, 那些寶貴的舊事重談實在不知如何筆錄. 包袱隨年齡增長, 人過半百又焉能沒感慨? 席後閉門商量老媽子去向, 由夾錢講起供書教學, 阿姨Ｔ最是濺淚. 結局節目齊唱兒歌《我的青春小鳥一去不回來》, 歌曲, 還是率真的好. 星期六跟多樂菲去左菲律賓tour三十周年聚會(好邪地當年兩場演出既第一場正正係1977年8月4日, 即係exactly 30年黎reunion).
班老鬼自己傾又好同我講又好(多樂菲知道我想寫團史, 係咁叫佢地同我講故仔), 同tour有關也好同整個合唱團生涯又好, 感覺真係好奇妙.
「果次成團八成人係第一次坐飛機」(同一句說話唔同人不斷重覆)
「佢地班人上晒巴士就係咁訓(按:車程九個鐘), 我就係咁同佢地閂窗驚佢地冷親, 一落車就要唱嘛」(來自當時指揮CWW)
「我成世人未試過拎咁多錢出門----因為我地團有人係CI, 入菲律賓境每人要擺低七千蚊按金, 我就負責統籌....幾驚!!」(來自當時tour負責人)
「果時同港大合作演出, 港大個學生指揮唔知講完咩問左句『ok?』,我地有人答佢『hao de』, 個指揮即刻嬲都轉身走左, 結果演出時要我地指揮XXX指埋。呢件事完全睇到當年港大同中大既分別。」
「我地幾個男團友同兩個女團友果時一齊租左赤泥坪, 練完歌返到去繼續練, 結果隔離屋個人拎埋斧頭走黎拍門叫我地唔好嘈」當年住戶之一CWW問:「乜有件咁既事咩?」講故事者:「有啊,你果時唔響度嘛, 你成日都好夜先返架啦.」