來自：文盲
時間：Wed Oct 03 02:00:19 2007
來自：Will
時間：Wed Oct 03 01:43:06 2007拿, 我細個冇學粵語拼音, 我廣東話一樣講得好好。喂, 我細個唔識睇五線譜, 我歌仔一樣唱得唔錯喎.
ju4 gwo2 ngo5 gam2 se2 nei5 dzau6 tai2 m4 ming4 lak8, 我咁寫你就睇得好快喎.
試下俾個完全唔識中文既鬼佬睇，佢兩句都唔會睇得明．
玩下手佢可能亂讀而讀到堆似模似樣既粵拼出黎，但望住堆方塊字佢直頭除左ｏ嘴乜都做唔到．．．．．雖然佢兩樣都係唔明．
我地由細到大睇方塊字學中文而唔係睇拼音，睇方塊字快過拼音或有人直頭唔識拼音，咁只係證明左人用開乜就會熟乜而已．
（話時話，點解你會識LSHK？）
咁即係點? 音樂可唔可以用人性0的既方法表達架~ 或者咁講, 比較貼近0的一般人經驗同習慣既方法表達架~
何謂「人性ｄ」既表達方法？
何謂「無（咁）人性」既表達方法？
方塊字完全唔貼近加納人既經驗同習慣既方法
阿拉伯文完全唔貼近中國人既經驗同習慣既方法
西里爾字母完全唔貼近英國人既經驗同習慣既方法
......
一個人覺得一種表達系統好陌生，好難用，係因為套系統真係難用，定係果個人未曾深入認識又唔熟呢？尤其是當世界上好多人都可以用果套系統可以用到滾瓜爛熟時
－－即係有個鬼佬同你講方塊字好難學，係唔人性化既設計，都唔係人用既！你好自然會答佢：「你當我地十幾億人唔係人？」