來自：樹雄
時間：Wed Oct 03 03:53:12 2007
來自：Will
時間：Wed Oct 03 01:43:06 2007拿, 我細個冇學粵語拼音, 我廣東話一樣講得好好。喂, 我細個唔識睇五線譜, 我歌仔一樣唱得唔錯喎.
ju4 gwo2 ngo5 gam2 se2 nei5 dzau6 tai2 m4 ming4 lak8, 我咁寫你就睇得好快喎.
咁即係點? 音樂可唔可以用人性0的既方法表達架~ 或者咁講, 比較貼近0的一般人經驗同習慣既方法表達架~
五線譜並唔係為左比你學歌而設，而係為左記錄一首歌而設。所以如果要做比喻，佢應該比較接近文字既功能，而唔係粵語拼音。
無錯，就算一個人唔識 do rai mi fa so，一樣可以照另一個人唱歌方法，念口黃，照唱一首歌，而且音準、旋律分亳不差。但係邊道得嚟咁多人，學過咁多歌，仲要週圍教人唱？情況好似你有本書，想全世界睇，如果唔寫低佢，好難搵到咁多人肯幫你講比人聽。
你仲要諗下啲作曲家，唔係個個咁好歌喉，下下要自己下海教曲，未必教得好。佢地需要一個記錄方法，將曲意、旋律記錄低，而其他人又要明白。音符同樂譜，係一個傳意系統，同大家用文字記錄語言一樣，佢用點、線、符號去記音同拍子，比其他人睇。
而當你學歌，想接近作者原意，咁問樂譜肯定好過問人。又或者成班人夾歌，若果搵人教，難免，想大家差唔多，咁樂譜似乎就係最好既共同語言。