來自：ywsing0
時間：Sat Apr 12 19:53:17 2008
| 週五晚去 Choquette 的大師班，今次還有小妹妹出來唱。用整個身體去感受﹑去表達。去唱歌，用手指﹑手臂和手臂以下的空間來幫你投入。女人對聲音的看法跟男人很不同，所以聽她們講解也學多點東西。畀如女聲易漏氣，所以要用點說話般的gloittal去唱；佢唔講真係聽唔出即使出色女高音也會犯的中音毛病。 反而佢自己的 quando m'en vo 我覺得有點 overpower. 那種勁拖慢的感覺跟錄音很不同。應該昨晚去音樂會，沒拿票…… 喉痛聲音Ｘ掉了，仲要細左幾個碼。 週六朝早試聲還不成，沒上課。旺角茶餐廳呢杯就真係熱檸樂煲薑，琴日上環果杯搞左三個字兼漏薑。 因位置問題今次拔牙辛苦得多，塞舊膠撐住個口畀佢左扭右扭，陣陣鑽牙味聞到毛管棟，雙腿伸直收縮左踢右踢，差點沒給他扭甩牙骹。我都唔知搞左幾耐，勁不耐煩的感覺好似個細路仔咁，真係後悔唔係好痛做乜失驚無神要碌。 「你呢種情況，出面做要五千蚊添呀！」牙醫如是說。佢都算幾好架喇，我隻牙又大又實算special case卦，最少佢冇講整到神經線呀半邊臉成世冇知覺呀簽生死狀先做得呀果D凶人話囉。真係畀貴好過喇，今次如果畀庸手搞，分分鐘整到界唔開又拔唔出，不死不活至慘，或者有個大同咁，發燒幾日幾星期食唔到野。所以我冇諗過同佢壓價。 anyway, 搞掂晒喇。 ※ 看網誌，似乎記不熟譜的都是一羣老鬼團員。「也很高興地讓我介紹未來太太給朋友們認識。」我居然冇留意到… 失策！ |