你的名字
主題
| 來自：ywsing0 | 時間：Mon Apr 21 00:19:41 2008 | | <table width=600><tr><td>九點幾晨早咁出街結果畀citicall吸左去拎機，三號波之故都唔算好迫，店內三四十人望三望四，排隊不過三人。上課後遊魂，話說細妹在家人扭親腳，橫風橫雨一條友係旺角冇乜好做，不過遇上 CCW（泰利．陳）一談，舊公司的煩事的是非同凡響的煩。 | | 新機係好正，差兩吋就係差兩吋，用起上黎過癮得多。呵呵，去<a href=http://forum.eeeuser.com/viewtopic.php?pid=225185#p225185>eeeuser forum</a>度 showoff 自己的新玩具。 | | 但有一樣唔ger－－原來現在只4200mAh電，好似畀人昆左咁，咁遲下有冇得換返??? 否則，我地呢班擁躉咪虧左。華碩識做喇。 | | 另一問：有冇軟件可以用部腦黎“扮“手指？ | | | 週日朝去歌連臣角，今年多了震傑。食晏去 MegaBox 才明白，來這個商場的八成是私家車客，坐舅父車還要駛上十六樓才找到泊位。原本以為駕車很快，卻花這麼多時間去泊又有甚麼用。 | | 晏晝去Ｗ屋企聽他豪買的色士風。有心不如去搵人學啦，反正錢都洗左，亦未必一定要學唱歌。也許說得多很煩，但培養樂感也是很重要的事，要麼自己聽返錄音或找第三耳朵去聽都好。其實學唱歌咪又係不斷咁畀人打斷。 | | 黃昏去墳哥的新舖食左幾舊乳豬飲左幾杯紅酒。又唔係唔好飲，而家冇咁怕飲酒喇，但又唔係好有興去買去欣賞，企得挺累的。燒鵝，死得好慘…… | | 晚上跟幾個城班老鬼出尖咀，潭魚頭烚下烚下。蕃茄湯鮮甜美味，一百五十元換來的飽足還不錯。久沒見面，原來除左小玉差唔多個個都轉晒工lu. 另外 Hika 十一月喜酒勒。</td></tr></table>
發出