henry V performance

週四最後一晚綵排，港樂做事果然緊湊好多。個結尾係拉粒Ｅ最舒服，同可風講左偷下雞算喇，反正另一面隔離個 B1 果粒根本唔同～

週五表演完一晚了，沒甚麼特別好壞。居然有朋友回應說合唱鬥得過個管風琴，呢種事都係第一次聽。港樂唱過廿年的前輩談舊事，佢地都話 SK 是最正的合唱指導，而且重點係文學修養。

唱完同域奇．曾買野食上阿佛屋企，與其話吹水不如話係偷冷氣涼。落街至發覺 215x 老早收左，諗極都唔知搭咩車結果行左返屋企，累也還罷了，熱到飛起!!!

※

成日d人見到我的機，都會問我「做乜唔裝 Windows 呀？老翻唔好咩？」
其實我好想反問返轉頭，做乜要裝 Windows, 一係畀錢﹑一係犯法？
我唔敢講係咪我用慣左，其實大多數人都係用開乜就用乜，少數人好似我會去諗世界係咪應該咁。
懶係人的天性，我唔會怪人，但倒轉唔好因為我用“另類”野就當我怪人。
天性使然，我係好有興趣對去嚐試﹑建立自己的一套。
當然任何系統都有其缺點；
但係就算論安裝的複雜程度﹑設定的難易﹑介面的華麗，用緊的呢個作業系統係勝一籌lor......