來自：ywsing0
時間：Tue Jun 10 11:49:05 2008
| 屢屢的週末八號風球和黑雨，令我開始懷疑天文台官商勾結。照樣上課。旺角星際有粒10400mAh for Eee, HKD $650. 週日想去打波又沒去。 週一晨咁早被阿妹扯起床，話返深圳玩。跟爸媽（前者居多）返去都預左冇乜特別野睇喇，呢樣又唔想食果度又唔想行。行左科學館只購得 DFD《唱歌的哲學家》訪問錄。上左個旋轉餐廳飲茶，其實不如合和６６。跟住係黎涼冷氣的何香凝美術館。 最麻煩係果個園博園囉，次次返大陸都熱到傻左咁，佢地仲要施施然行呢度行果度。冇計，年紀大左佢地冇乜汗流…… 但最重要都係阻住睇書的時間！去到少年宮已經六點，食飯又搞左一餐（仆佢街間味千乜鳩野食都冇）。 之後行個半鐘搵野買都搵唔到。乜都多，ＩＴ書係多，但又唔覺邊本好。棋書睇唔晒。文科類我已經少接觸。而且諗起「買左得唔得閒睇」同埋最重要「屋企有冇位擺」就冇心機喇。 鬼咁累。返大陸都係搵朋友好，再唔係都要揀冬天。不過唔返都得。本回鄉証到期都未諗到幾時得閒去續－－星期六上晝？你冇病下嘛？ ※
What a loss. 是一時的衝動？是藝術家的多愁善感？ |