misc

週四晚的唐．卡洛 ，前面班鬼好似乜都唱唔出咁，T2 收晒皮。唉！好在收尾已經全套走過一次，夾埋幾粒Ｇ#，口痕就上Ｂb, 未至於好難交貨。當然背譜係另一回事了。

週六行過星際買了Eee鍵盤膠墊，不錯喔！盛惠四十元，套上套子的易PC看來更pro^^ 但更危險的是，我的原裝機套已有點髒，而店員推銷說美麗得緊的新套要六十八…… 另外仲有粒六七粒鐘的10400mAh電池～不過怎地無線收發器到了家以外的地方便像是失靈了？

婚禮排練沒場地，怎辦？btw, 我第一次做人兄弟咋，係咪要畀人玩或隊酒，只知要晨咁早起身去接Ｔ。

爸媽在對面海吃快餐，晚上獨自行培正一帶。其實前幾日至黎過，不過行多次至發現，浩記由麵檔變成海味，八達模型變了東洋菜。Anyway, 這不是重點；重點是行過火車橋後又遇到行乞廿幾年的盲婆婆，我細細個去聯發食早餐時已經睇住佢乞食，一直我見到佢佢見唔到我，直到我地搬走。果時好似有個老頭陪佢添。今日再見到佢成個樣肥腫左好多，更加沒精打采，似乎唔係好兆頭。猶豫一陣丟左幾蚊雞（我一向姑寒），給的除了是同情，還有十幾年係度行過的回憶。