孔明燈

畀佢講得掂o係螢幕裝膠貼（其實有點昆水，店員廣東話唔正講野一舊舊，仲以為夾埋九十蚊，跟住又話係分開）但佢裝膠果時真係好仔細，務求一塵不染，我自己整都冇咁細心，冇去追喇。

裝左層膠之後，900的螢幕猶如鏡面，真係好正……
對，我是完美主義。

黃昏在火車橋附近碰到打球完畢的約翰．吳，成日打佢電話唔通。上Ｍ記吹左陣水。

週日午中同聚，後去蓮娜．李及哥白尼．黃搞的放孔明燈晚會。大埔打的入小白鷺餐廳，拍完集體照，未得閒睇風景已經閃晒入冷氣房度。整燈﹑入室內帳蓬觀星象投影。飯後等左好耐，教燈的域奇突然著草，剩下的負責人王小姐不斷嘮叨「我唔係負責呢範野架」。

四條佬粗手大腳弄的「財色兼收」孔明燈左穿右破，幸好都放得起，不致給女士們看扁；不過如果有得睇住盞燈著火都幾過癮。如果王肯畀我地自己放就更加超好玩了！十一點至開始天文，觀察不斷移動的木星。呢度部觀星台都好pro，真係一座塔來的。不斷調較望遠鏡的王原來幾好耐性。流左大半日汗挺累的。

週一未累完，對著電腦洽眼訓。夜晚用疲累的嗓子練唐．卡洛。一堆marcato唱到彈黎彈去咁，還是忍不住唱返legato先。

週二晚上珍尼斯．黃的營養班，維他命Ｂ和Ｃ。忽然很想爸媽聽下正確的營養學，又買左本書返去。

週三上午八號波。

※

有冇發覺而家ｄ九巴好力左？我諗佢地開始調較副偈去慳油喇。

"Ideology should be something personal, not something you push on other people." (Linus Torvalds in an interview)

"In the same way that One Laptop Per Child hoped for a sub-$100 unit, the Asus offers an OLPG deal (One Laptop per Geek)." (link)