來自：ywsing0
時間：Mon Jul 21 11:02:03 2008
| 週四遇上那個同座阿伯催我練聲－－佢話佢唱到High Ｄ.香港站又見到CHM和另一舊同事。晚上占美．陳不來，派弟子代勞，練下停下咁好悶。赫拔‧楊居然唔串咀佢wor. 打開多點可以更鬆，也不知是否太輕；似乎要命的是那堆長Ｅ. 週六趕上課，之後去中環。Ｎ找我到阿諾畢道Ch有份主持的「酒在新舊世界」會，隨隨便便見識一下。 舊酒是指英法意等地有數百年產酒歷史的出品；新酒則是智利、新西蘭等地。試酒開始，開始三種都易入口，主持說的生果、提子味還品嚐得到；後來的酒就不懂喇，對住隻杯聞聞也很香，但飲到口裏舌頭就只感到乾乾的酒味，主持們說是飲慣了才覺得其味其醇。而且呢幾杯幾重，一小杯已經ring ring地，對面的白臉皮傢伙更是一副面紅耳熱相。飲飲下就停左口怕受唔起，酒癮之感並不特別吸引，好似以前半夜開工咁反應遲緩、個人燥燥地的感覺。玩完走果時冇醉都扮晒醉，係條街度Ｖ嘩鬼叫。睇返酒價都係幾十到最貴二百幾蚊一枝，以我們的飲量，唔理舖租佢有賺喇。 品完酒沒事做又不斷說Ｎ去買Acer AspireOne, 條友仔都係楂唔定主意。嘿，其實係我想要，當初係買佢就好；夠平可裝lxde, 正牌的debian應較少麻煩。但當然，而家最好搵人（細妹？）接左部 900. 週日FEU行山，西貢高塘至海下，汗如雨下之餘又很夠盡興。吃飯買水果坐車後三點先開始行，也幸好遲了一點，高塘的樹蔭又較多，所以避免了曬成焦炭。因為要走回頭去海灘找丟下了相機，所以多了好一橛落落上上的"bonus track," 樹雄在石旁替我找著的一刻，著實感激老友們的義氣。風景是海下的好，也沒照甚麼相。晚上豪出去吃西餐 (Susanna's)，百四元的鐵板物有所值，湯、飽和扒都有味道。上巴士時已幾乎十時，豐富的一天。 ※ "When you think you've hit a false note, sing loud. When in doubt, sing loud." (Robert Merrill) |