貝九、熱、Kubuntu

週四早餐時遇著個飲茶友，咁就散左兩張貝九票。晚上母家吃飯，那油膩房署飯堂連我也受不了。金融風暴會否改善貧富差距呢？

週五晚又去協恩，未入禮堂已經聽到男低音solo響亮地 O freunde. 聽聞四個獨唱只包食宿，但比想像中要好得多。唱到中尾畀班brass玩晒喇，咁大聲，唔話佢屈機都唔得。Run左一次咁上下就收勒，都唔知係指揮體貼choristers, 定係無所謂懶懶閒。

甚麼天氣？十一月的夜晚係街行都熱到滿頭大汗。真的，氣候反常比金融海嘯更重要。

近來喝奶茶總是有點不適，尤其是街邊早餐檔賣那些。從小我都怕奶，但奶茶敏感就一向很少，不知是體質變了，還是現在國產奶真的不堪喝。

前幾日開始睇CNN.com, 發覺本地新聞網站真係走漏好多國際要聞。跟住發現鄰座都開始睇CNN, 我冇同人講過，奇怪……

裝了 Kubuntu 8.10, 可能 Canonical 的老友只夠時間包裝原版 gnome，這個 KDE4 問題多得令人失望。未想到怎樣好，用住先。