你的名字
主題
| 來自：ywsing0 | 時間：Fri Dec 26 23:40:11 2008 | | <table width=600><tr><td>週五最後一天 carol. 原本坐開的 70 車程約四十五分鐘，計埋等車平均一小時；今天舊線被撤唯有改搭 81=>72, 即刻奶野，車程長至全程一小時廿五分，趕到後只剩三個字練歌。 | | 出半島，沒想到得我一個只唱第二場，不過有部腦跟身度度都可以做自己野喇。我沒有印象上年有位 Karen 能令眾人如此傾倒，究竟是我其實沒見著還是掃描器失靈呢？ | | | ※ | | | 其實我唔係唔想買保險，不過實在買唔落手。我係個老好人，入世不深，但就周街畀人當我羊祜咁昆喇，次次都唔開心。可能好多人也有呢類經驗，但我都想發洩一下，實在很惱人。 | | 大早在旺角時見到女仔拎住塊板企街，心諗又係果尾野，跟住佢又走過黎喎。模樣和打扮都甜甜的，知做乜喇，但我點都係個男人，咁岩唔趕時間，傾幾句偈唔駛死既。話係問卷，答就答了，做盛行、人工去到邊（「畀咁多家用好孝順喎」）、買過下股票，我呢個人秘密都唔多丫，但我一講自己冇買人壽佢地就開眼喇。 | | 跟住拎左我過女人街，入左間冇裝修的舖，居然話係某大保險公司的”鬥口”。入就入，我銀包才五十蚊。又上二樓傾左兩句，跟住換左個師奶模樣的物體（好在換左人，靚女的話我唔知會唔會乜都受！），呢個真係成精喇，傾幾句又吹水話供幾多年有幾多十萬百萬，買左冇死唔買就笨云云。（呢ｄ話都唔知點答好。）甜話說完，就即刻問我拎身份證話登記，起初唔想拎，但總是卻不過情面。佢問過月供還是年供，我未真係答佢已經當我係年供。跟住又問我拎信用卡（cc），呢樣真係唔得喇，只畀左張提款卡佢睇（過數過黎請便，提我款發你的夢）。佢即刻口花花又話要我同落記錄，問我住址電話。地址一定唔畀，電話我隨時可cut你扮斷線。講來講去又兜左一輪，佢又要cc, 我忍唔住問佢要cc黎做乜，佢不斷借口話落個紀錄；之後，但細心聽佢講，原來佢係話”預提左一年供錢先之後你可以取銷”，即係”提左錢先之後睇下你生唔生性先畀返你”。而且，我發覺佢有意無意手頭壓住我兩張卡，跟住又用堆紙遮住。同佢再纏左一輪，講幾句大話約左人趕住走佢都唔理。傾到冇野好傾時終於突然明白，我唔企起身佢係唔會停口畀你走的，而且要出口開到聲佢先至肯放手。 | | 事後回想起黎，其實佢個plan又冇乜衰，儲錢收息保險都係正當行檔，開個戶口又唔係咁大所謂，但呢種手法真係難頂。所謂專業人士，句句都係tum我買沒有客觀意見（風險評估在那兒!?），這也罷了，而且按住我ｄ私人卡仲要遮住唔畀我走呢招真係好死cheap（算點？要脅我？）佢ｄ話勁多心術囉，好鍾意因為我想留情面就挑戰我底線，好鍾意話畀幾星期你決定跟住又不斷問有咩問題點解唔簽，一味用說話去妨礙你思考，知我斯文唔會破臉就猛講野唔畀人走，知我唔鍾意講大話就一句句咁套我，而且拎完呢張卡又要拎果張。佢真係冇乜 point, 我的疑問（未做交易做乜要信用卡）佢從來答唔出，從來只係迴避，或者講野假大空，編自己公司大唔呃你云云（都叫做讀過critical thinking...）講道理言，無論邊度購物都係決定左買先至亮信用卡的，佢居然未要我決定就要我卡號，還說出「之後再退款」擺明老點的話，呢下真係狼到冇人有囉。我卡num把如果到你手上，到時任你魚肉，你想拎幾多就幾多，想點都得架啦!? 到時我要取銷反而要乞你這個那個求你拜你了。用問卷引人呢ｄ我都未同佢計。好在我幼受庭訓嗟，老爸成日話愈係大公司的就愈係有鬼，否則唔覺意就入信喇。愈大公司倒是愈識呃人；寶藥黨最多昆你幾粒神，雷曼迷債一掠就十幾百粒喇…… | | 都聽講過呢間冇乜好野，Tonio一單，卓灝一單，冇個好友係入面做得長的，個個都話入面黑過鬼。果時師姐KY都tum過我一鑊，手法又係相類。金融風暴更加唔駛講喇。點睇呢間公司都似玩緊層壓式，細既交數畀大既，好似成間野都係sales咁，其實冇個負得責。 | | | p.s. 唔鍾意講大話，細細個屋企人都教話對人要有禮貌，但唔知點解做好人係呢個世界係唔work的。幸好我做的工作唔係搞ｄ咁既口術野，而家份工點都叫對社會有丁點貢獻。有人話去澳洲牛奶餐廳食野受的對待簡直像被虐，我明點解我受得落喇，寧可對住那班粗鄙不堪滿口爛話的真小人伙計，我都唔想對住一個ｘｘ經紀。 | | p.p.s. 我從冇懷疑過佢係咪真 AIA！呢個失策。如果係大陸戒心會高好多，係香港…… 假野唔會開係旺角咁揚卦？ | | p.p.p.s 希望呢個 blog post 唔好又引黎成堆經紀打黎sell啦。 | | p.p.p.p.s 睇返自己寫法真係勁似畀黃金昆左唔ger貼篇水蛇春鬧黑店果ｄ新聞組文…… 但真係沒法寫得客觀確切</td></tr></table>
發出