你的名字
主題
| 來自：ywsing0 | 時間：Thu Jan 01 10:04:15 2009 | | <table width=600><tr><td> | 週六晚去了 YPC 的 A cappella christmas. 整體效果很不錯，聖約翰 Li Hall 的音效也很正，係女高音有點唔夠支持同埋女低音人數太少。幾套歌都是菲力士．孫自己編，頗有心思。 | | 週日又一教訓：行山都要做熱身。坐完車郁左唔夠 50 米就咬左柴，睇黎黎緊幾日都仲有得痛。土地灣至大浪灣，中途遇細雨，風景也看不清。但今次開齋有女性蒲頭，係湯瑪士早前個ex. | | 晚上賀外祖母生日。席上非常國際化，都是表親們另一半，表妹有個搞自由軟件的德國佬、震希伴英國妹，不在港的表親還有英籍丈夫、美國女友（都唔知仲係咪）、美籍猶太，只有浩樺找本地出品。於是一張檯分左英文台、中文台，兩台不同步。大劑喇，人人都一對對咁。（老豆果邊唔係咁架喎……） | | 週一晚在Metrobooks買了那個本頂癮已久的JDK6. | | 週二聽 ohk 團友演出。感覺上年精彩一點，而且今年女聲為主，佟生仲要臨急話黎唔到演，冇左個想聽的。其實主角似乎是兒童團，彼純．馮的琴藝也不錯。 | | 週三早放後到黃金，華碩s101試玩小會，即是Ｎ那部。由33A到荃灣先買了票，再吃魚蛋河。唉，週五的蝴蝶夫人售罄！合唱俠的無伴奏演出。觀眾也有幾個熟人，除師兄史提芬．何和女友，蒲一入場又見到哥白尼．黃和魯老師。造詣是不錯的，音準和音量也剛好，唯聲樂來說高音部欠支持。曲目有點新意，翻改電視舊歌可說永不老套，反而花之二重唱難度太高。過後與黃魯往旺角倒數，走遍幾家才找到糖水舖坐下，食野等夠鐘叫兩聲寄收sms走人；興緻愈少想下年也沒必要數，沒有人陪的話可能返左屋企，套老Ｗ句老話，老了就是老了。 | </td></tr></table>
發出