melbourne

千叮萬囑下出門，坐烏蠅 A23, 除左拉幾條街行李、條路唔平之外都冇乜野。上櫃位至發覺 GBR 搞錯左做 GBN, 但都有一段時間行離境商場。

在機場巧遇荔枝，她送的朋友老爺跟我同一班機（還好沒像陳仔般撞上空姐同學！）新 A330 真係多好多野玩，幾十隻唱片（有 Jonas Kaufmann），遊戲機多左，雖然都仲係廢；同埋有電源畀筆電。一條友搭機都未必悶，四個一排最左係個韓國仔，左邊係個搭訕王，右邊係個國語留學女生，加埋多野玩，反而冇乜心機訓覺。條搭訕友唔係善男信女，佢話返東莞勁正，兩千條女塞滿成棟樓任佢揀。

墨爾本機場很小，坐了 skybus, 交通不熟下轉了的士。最煩的是亙聯網，算一算房內一小時上網已達cap要AUD30 (=HKD163, 貴過香港的寬頻月費)，認真omg, 唯有揀 AUD2 的網吧來流連。肚子打鼓去七仔買左個類似熱雞批的物體，剛在街頭一坐就有兩個細路衝過黎，拎住一大疊紫菜話想換個big bite, 唔知咩來路之下唯有走為上著 -_-" 結果被分神丟左張單……

一行之下原來酒店隔離就係唐人街，行多陣就到 Flinders Station 及 Fed Square, 得來全不費功夫。路面和樓宇好像黃金海岸那些。那份悠靜閒雅香港絕不會有，路人們沒一個會心急的。加上是星期天，很多人在路邊石級懶洋洋地坐著，大螢幕播著正在進行的一級方程式比賽，假日氣氛濃到不得了。

另外很喜歡這個方便行動的城市，至少不會滿街障礙、不會可望而不可及，走了三粒鐘也不覺得很累。奇怪的是連時間都像流得特別慢了，行了好長一闕路天也不黑，再上電車才由四時進入六時，莫非南半球能令時空都停頓一會？

晚上找食，明明食飯時間，唔知點解通街的西餐就算有開都冇乜人幫襯，外來餐館好些少。隨便找了間 chilli fish, 唔錯唔錯。