你的名字
主題
| 來自：ywsing0 | 時間：Mon Apr 06 09:05:05 2009 | | <table width=600><tr><td>一人兩日週末遊行團日誌： | | 週六早往探監，先有個入冊experience, 再行座舊樓，有個吊死囚的位，間間房都有個故事，行行下都覺得幾恐怖。中午去 Docklands, 原來是個未入晒伙的新區，吃點東西後等了九個字遊客巴士（免費車所以迫爆，仲成車阿婆阿嬸，阿婆坐係度果時唔知點解有陣尿味……），行一行 Shrines of Remembrance 和 Royal Botanic Garden. 公園香港都有，但草地任踩任坐、隨意開餐真係呢度先會囉，ｄ家庭一坐就大半日，優哉悠哉，更遑論香港園林有如此樹木湖塘風貌。晚上聽魔笛，好正，希望我地唔好差太遠啦。聽完十點幾，出到黎發覺週六晚真係旺過旺角，好ｑ多人。想 hang-out 又唔識得 hang-out, 呆左陣就返房喇。 | | 週日失策，朝早又沒甚麼事幹所以進了墨爾本博物館，間野好鬼大，畀左入場費唔想虧，結果兜左三個鐘至捨得出來。於是下晝就好緊，衝去意大利街懶型咁隊左碟 pasta 再搭電車，但天氣不好海灘沒人曬太陽（掃興），倒是風很大，大到連海鷗都飛唔郁，一隻隻sea鳩好似畀風吹到飄黎飄去咁。去個碼頭唔知做乜咁又行返返黎。很多人在衝浪。去 Chapel St 唔知訂去左另一邊，坐電車去到時又太遲，賣東西的舖頭都收了，算啦冇乜想買。自己又整污糟左隻手，街頭見到兩條女都唔好意思開口幫佢地影相。呢度的星期日晚好恐怖，七點幾之嘛，條街已經空盪盪，好似食肆都唔招呼人咁，好難至有野食，仲差點唔識搭車。 | | 就係咁，行左兩日都唔知行左ｄ咩。食野平的唔平，貴的唔貴，花錢比想像中多。 | </td></tr></table>
發出