Magic Flute

之前一直以為呢齣劇太似童話所以不理，但聽完又覺得，它的音樂和緊湊性在莫扎特作品中也算十分好，而且形式十分多變，有民謠味又有古典味，又最具戲劇性原素（可能是最後作品之故）。唐喬望尼我都睇到訓，同是古典劇目的Alcina唔駛講，但呢套冇訓。

夜之后的高音Ｆ和 Sarastro 的低音Ｆ原來係打對台，呢點真係冇諗過，但前者難好多喇。好多女高音都有錄那首尖叫的詠嘆調，但原角要求是戲劇性花腔女高音，有點懷疑 Sumi Jo 或 Natalie Dessay 那些太輕柔的嗓音未必是最恰當演繹者，似叫床多過發爛渣。今晚的夜之后遠沒有前兩者那種輕易發聲，轉聲區明顯，但嗓音戲劇性遠勝，又粒粒都上到，足見功力。

Sarastro 的嗓音勁粗勁厚，粒低Ｆ勁響，但場刊寫佢居然唱過 Escamillo! 想像唔到會係點，一個 contrabass 唱男中音角，就算標到高Ｆ，豈非像鬥牛老士……

讀白全部變做英文，取其淺白易明，和連貫全場的幽默（Papageno 一路唱捕鳥人一路隊啤酒……）挺喜歡這種本地化的演出形式，又顧及到忠於原著。如果十月時唱場廣東話讀白版、上北京唱京片子又點? :-P

舞台很厲害，呢樣吊果樣空中飛人連間房都好似太空漫遊咁曉轉。自己主場應該練過好多晚，演員們非常純熟。

第一次係外地聽歌劇，花 AUD15 買埋場刊做紀念，裏面有提 SK 個名。其實個場幾似文記 GT, 但似乎窄小一點點，坐山頂位都聽得清楚，不知樓下音效如何。