來自：ywsing0
時間：Sun Apr 12 11:58:38 2009
| 寫日記太煩喇，用個時下流行的tag式總結啦。 外遊目的：應是工作（但其實冇乜野做到） 人數：１ 兌左幾多錢：AUD550（約港紙三千） 出發時地：HKT200903282335＠香港 抵捗時地：AEST200903291400＠墨爾本 出發時差：三小時 逗留時間：十一晚 當地天氣：大致天晴，日頭暖、夜晚會凍，除了有一天下雨 搭過咩交通：機場的skybus, 的士，電車，其餘就是行 酒店水準：還可以，算乾淨，我要求不高 去到有咩唔慣：滿是外文又沒解釋的菜牌（要學ｄ字）、高成本的亙聯網服務、黃昏已經閉門不納的店舖＋水靜鵝飛的街道 最常做的事：（計玩only）一人一機周圍走亂咁拍 當地人文：率直、講理、悠閒、不心急；鬼佬們擅用眼神和手勢溝通，比咱同鄉的漠然感好得多 街上好走嗎：好舒服，空氣好，ｄ路面冇咁易支力添 膳食水平：大致上都高，種類多 最豪的一餐：殺入賭場鋸扒，約 AUD32, 反而賭左好少 最爛的一餐：食唔飽的壽司盒，八舊飯，仍要 AUD8 最鍾意的食物：除左鋸扒，似乎係pasta 最靚既地方：Royal Botanic Garden, 綠草如茵 最糟既地方：中國人網吧，超焗，個鍵盤烏糟到嚇死 最嚴肅既地方：Shrine of Remembrance 最開心的一次：講唔出∼ 最失望的一次：去到沙灘居然冇女，頂多見到班香港友玩沙灘波 @.@ 最尷尬的一次：同是中國人但完全沒法跟侍應溝通（人地講煲東瓜） 最大的收獲：行左咁多景點都唔覺好多得著，還是歌劇和音樂劇滿足我多一點。 買來的手信：講真果句香港乜都有唔駛出外買，但敷衍咁買左幾盒朱古力、幾袋玉米餅（其實後者可以係 citysuper 買到） 洗剩幾多錢：AUD2x 碌過幾多次卡：兩場劇票＋一本雜誌 臨走感受：係墨爾本掛住香港，係香港又會掛住墨爾本 回程時地：AEST200904092355＠墨爾本 抵家時地：HKT200904100700＠香港（抵家 0830） 回程時差：兩小時 返黎有咩唔慣：講／聽左十日雞腸，聽不慣別人在說廣東話…… 回家即做的事：沖涼 體重：162 → 168, 唔知點解 -_-" 玩得夠唔夠癮：留得太耐ｏ勾到臭晒（係真臭），但又未覺盡興 下次想點樣：帶幾個朋友去食暈晒ｄ餐廳 |