廿週年

週五，深井裕記。結果晚上咳到仆街，媲美九年前那次。晚上是波希米亞人，雖然我都唔知好唔好演出。Ａ：「唉ｏ也，睇唔到柴九添……」其友：「港樂乎？」

週六。其實我好易睇書睇到喊，無端端係葉壹堂感動得眼紅紅。慚愧說自己生於那個年代，只記得當時老師凝重的表情、看法的解釋，還有廿年前在維園拉著爸媽手唱著”為自由”的難忘一刻，卻一直不很了解來龍去脈，唯有拿著內地記者的手記補課。

週日 FEU 三枝公踩單車，可能病病地，或者體能退化，總之沒有沙士年代大尾篤沙田來回、踩到腳軟的幹勁。中途遇城門河龍舟比賽，都係我地快ｄ，哈哈。

再週四，六四晚會，遇積琪蓮及莊尼。人係多，但洩氣話講句都唔係咁厲害嗟，迫得黎仲有位走有路行。十五萬係老誇啦。同埋後生仔好多，可能太年輕，少了投入感，叫喊聲總嫌不夠響亮。不過，聽到台上猛話”薪火相傳”，不禁要企埋一邊，因為，（同佢地比），我都老啦。

週五。馬八＋波希米亞人。

呢個世界既人都係好鍾意驚……