搖搖椅

週四找樹雄和卓灝去試豬扒飯。可能旺角太嘈，或者太累，或者耳仔真係唔太靈，成晚好似撞聾咁聽唔清人地講野。跟住食個糖水，價錢跟餐晚飯幾乎不相上下。

週日，五伯娘遇急事返大陸，我們陪了五伯一整天。拉他到沙田，在露天廣場的搖搖椅上坐，搖下搖下的居然冇咁熱，見他笑得很天真很開心。又去滿記吃東西，爸說他最愛吃涼粉。可能年紀愈大修為愈長，整天乖乖地沒脾氣，算來他已屆六十。

再週二，覺得呢班友都仲係咁怕醜。八號波之際，媽飛往多倫多，參加表兄婚禮。

再週四，今次試買一送一 Burger King. 可能上左903食冇咁好feel, 我覺得呢餐得個抵字。對於飯後的故事卡遊戲，我總覺得大家想像力／合作性未夠，關聯不了卡上的項目，故仔總是無厘頭，甚至愈扯愈遠串不起來。或者我對「有頭有尾」呢一點太堅持啦，當成年人之後，生活裏的探索精神愈來愈少，幻想力亦大大衰退。阿嫂坐係度用電腦，扮晒聽唔到，猜她有點不以為然，「呢班佬up緊乜，個故咁爛都笑得出」。至於某君拎住疊潮語學習卡黎參戰，唯有贈一句「好ｘ無聊」。

週五西灣河，兩團夾起來爽神好多。今次食宵冇咁好癮，倒是威叔跟偉文雞啄唔斷。

※

「……重點係，請你一定要相信三歲定八十這回事。一個人五年前後，其實路向不會變化落差太大；五年前做0靚模的，五年後不會變成一個白領，仍然會是一個0靚模，若運氣好一點的或許可成為一個多d人識甚至很紅的0靚模(不是名模wor!)。而五年前做民間打雜的我……今日也一樣穿便服返工呀!」

大劑。