老鼠

週日。所謂跳蚤市場，爸買的扶手柄傘子不夠半小時便爛掉，買毛巾又甩毛。

晚上買黑鞋。往百貨公司購物真的很耗 CPU: 鞋架六七個擺滿晒，牌子款式多到嘔，這個五折起那個七折止，價錢全都在鞋底要翻上來，試最少試兩個碼，店員建議說買四十五元襪或曲奇或毛巾可以減平五十元，襪又有n咁多種色揀，申請會員卡黎緊幾個月買幾多野又慳幾多幾多，買完有優惠券消費滿幾多幾多可以當幾錢，最後畀一堆coupon你返屋企讀熟去邊度、邊度或者邊度食野有八八折九九折。天呀，我要一對著得舒服的鞋而已！仲有碌爆左張卡，係張卡真係爆開左囉，鬼咁化學。

週一，李太白開始。原來唔少野唱，原來要唱普通話，原來例牌唔夠人，原來係怪雞野，原來有個京腔（寫到high high A），原來成日要扮飲醉酒，原來我地做的係宦官。點解冇得去魔笛???

週二，太陽神似乎開始不耐煩了。仲飛左枝baton添，可惜我懶左冇望指揮睇唔到 ~.~

問我上唔上北京做花樽, 最後還是推了。覺得自己係個singer囉。搵我唱（＋玩）一定去，扮樹扮妖冇乜癮，仲要睇住人地有得唱喎。