來自：ywsing0
時間：Tue 2017-12-26 22:00:00
201702xx 炒車入廠，幸得馮車友盡力協助，唉，唔知點報答。四晚公立，第一晚差Ｄ連除褲小便都搞唔掂。
201704xx 做乜會忽然對量化財務感興趣的呢？一時都諗唔起添!!! 雖然老左Ｄ，又無把握過機會，但我諗我都鍾意學術的。程式老本行的玩法都摸得七七八八，其他野愈燒愈遠愈學愈想學，總之有咩就睇咩。原本都係9睇，畀同事一問「睇咁多書查字好辛苦喎」，唯有用功問啞老師，我諗都學左一抽生字。
（諗返起勒，係年頭係灣仔天地手痕兩舊幾水買左本ＨＦＴ+ dark pool的書，之後就一直睇落去了。）
201704xx 韓國首爾遊。泡菜國比起近廿年前的一次先進多了，比日本不遑多讓。
2017xx 廣州三日遊。
201705xx 第二次唱愛依達，好chur, 最後一場被颱風打走了。原本諗不如搵次抖下啦，但明年來的是多年來一直想唱的杜蘭朵……
201706xx 年內第二次入廠，係貨站天台自己 PK. 睇完書發覺要睇下個傷口，診所閂門唔做。呢次貴人係貨站水哥，教我去北大嶼，醫生叫我留院等睇牙科，晚上轉送瑪喜烈訓走廊，好似一晚公立。人跑步我跑步，料不到會跑崩左隻牙，結果要杜牙根。
201711 返上海玩一個星期開開心心，返到黎都未出得切貨，Ａ股跌到損手。上海野食都幾油膩。
20171223-24 跟港樂唱聖誕歌音樂會，不斷地說「好多歌唱呀」~~ Jingle Bell Rocks 當安歌曲目才是明智吧，覺得莎朗嘉的編排很好很有氣氛。
無論點都唯有認，我成日活係自己世界入面。
近年愈來愈樸素，十時睡覺六時起床，時常謝絕晚飯約會。
多吃早餐，少吃晚餐，多菜少肉或者午齋，快快手食完就OK，多數洗費都係整幾架單車，同埋家庭旅行。
超，又話單車好方便，都慳唔到錢既，只有話賺了心肺功能，減少了身體脂肪。
出街帶書，行到邊睇到邊，又可以係圖書館連坐四五個粒鐘。我覺得我真係好鍾意書。同埋，睇五本書的兩成係學得多過睇一本書的十成。
聲樂課很少上，老師生意很忙罷？
數次出遊都要感謝舍妹的詳細安排，同埋容忍我地的挑剔。
趁機去問爸的理財觀念和數底，獲益良多。
銅鑼灣的差使做完了，出返黎即刻嗌悶。
唔係好想返機場但又要返，整天睇住個市。塞車塞左好多時間，無法啦。
家陣又唔係發達，點解 ST 叫我過檔果陣總係一搭沒搭？因為忙緊 Aida?
做startup聽落真係夠好玩的，我總係缺少左動力。
KC 一檔六面體都吸引架，又要人，又有乜唔好？
另多謝樹雄兄重修充滿臭蟲的forum, 相信是舊代碼太恐怖害怕駭客入侵整爆伺服器累全家，
又知我唔想用人地的，所以仗義作改良。
宣傳網址: https://github.com/yookoala/crude_forum
每星期一次出車，放工跑幾次步慳少少車錢。車友是位足球員，對我好好。
__
近來花費的gadget.
~hkd99xx macbook pro（兩三年啦卦？）
~hkd600 macbook pro charger（原本果個跌到壞左嗚嗚嗚）
~hkd1200 sony e3 dual（有年幾啦卦？用到殘晒）
~hkd380 tko 買的黑色頭盔
~hkd2800 車軨
~8xhkd100 無數塊 brake 皮
~10xhkd70 無數次的換呔...
~時常遲交的房租
p.s.我鍾意踩車，但其實好唔耐煩整車。
我諗我都唔算鍾意購物，可能屋企物事太多了 XD 網購更免提，好煩。
琴日差Ｄ畀人鬧，我好多Ｄ物件係用到最後一刻先至換的．．．