來自：ywsing0
時間：Sun Jan 01 01:49:38 2006
晨早在佐敦早餐, 每日一撞的是紫君 + joe. 站著等他們買票然後打招呼.
「認得我乎？」
紫君：「點會唔認得，耀華丫嘛…」
耀華：「你梗係認得啦，我問緊佢 (joe) 呀嘛…」
joe：「認得！認得！」（認得ｄ乜？）
紫君：「佢一定認得，佢敢唔認得我因間打佢！」
到尖沙咀買票, 晨早買還有位. 在菓一道吃飯.
晨早心情很好, 有種幾乎未有過的感覺. ...但第六感並不可信.
在旺角逛. 商場人頭湧湧, 說是古姓歌手來了, 但怎地我聽到麻麻的似男中音多點的聲音唱歌.
往太子, 在地鐵站提款時老師打來. 「你係邊，我係茶餐廳沒錢找數，快來救我一命…」
學唱.
坐上 112 又懶得落車, 一坐就去到北角總站. (如果坐 102 就仲抵, 可以坐到西灣河.)
步行回銅鑼灣. 坐巴士到中環, 2005 最後一次行過皇后像廣場, 再到大會堂.
Transcription Night. 全場爆滿, 可喜可賀, 但沒有遇上別的熟人.
彈琴的 W 相貌有點面熟, 想想可能 (雙眼) 跟師姐 LYL 相像, 但又不全是.
吹 clarinet 的遇上麻煩麼, 一直表現欠佳, 還吹"破"了音.
唔知係咪狀態影響心理, 不斷有速度 ahead 的傾向, 《我願意》時吹的 solo 更快到離晒譜.
聽來彈琴的藝術, 一是彈弱音, 二是彈出歌唱般的旋律.
限於自己觀賞水平, 作曲編排上下不了評語, 最聽得入心的是 Auld lang syne. ...沒發覺自己聽到大地之歌和印尼爪哇曲.
我覺得指揮跟 final call 後別人的評語類似, 去得太順太爽, 「咁就完架拿。」
朱振威朋友真多, 仲要好多都係"有用"的朋友.
紅恤衫的是活地．胡? 誰是鼠．胡?
平安夜已玩個夠, 原本想回家的, 我對倒數沒甚麼興趣. 豈料得知乜乜搵過我.
餘下的 2005 不想再被煩事纏繞, 所以立時沒有回家的心情, 一於胡亂 hea 埋個年尾佢.
在中環坐小輪.
在廣東道吃飯.
在 HMV 再聽巴弗洛提的 La danza.
在尖東看燈飾.
在海傍吹海風.
嚐試街邊小販不中看﹑不對味﹑黏手﹑賣不去的冰糖胡蘆.
在彌敦道看倒數.
談感覺.
在悠悠漫長宇宙時間裏的這一秒內, 香港的一條長街上, 無端端有幾千人企係度唔知為乜大聲叫囂.
對於連續的時間來說, 年頭年中年尾根本沒分別, 唯大家卻為又一年歲月的流失而高興.
__
我有沒有發覺到, 廿四號聖誕在皇后像廣場掛上紙牌寫下的願望, 已經在廿六號實現了?
(早知咁靈我不如寫個天會跌一千萬落黎, 咁我一月三可以即刻劈砲唔撈...)
相較起零三年來, 今年過得還比較普通. 年份是二ＯＯ六, 但心情覺得還是 2003, 一切也差不多.
回顧一下 2005 年, (只談正經的.)
...自己各方面真是沒甚麼進步, 沒報讀書沒學外語, 知識交白卷. 值得記下似乎只有三樣.
＊音樂會第一次叫做獨唱, 也識到朋友.
＊正式學習歌唱後, 進步很多. 年頭及年尾的我應該係完全兩把聲.
＊去過旅行, 首次歐遊. 說維持聯絡的團友曾說寄照片來, 但總沒再聯絡上.
對新一年沒甚麼信心.