來自：ywsing0
時間：Sat Jan 14 21:11:34 2006
間唔中都會打回一次原形. 聲有點累, 不知是否今朝無意間傷到了.
指點之後有些好轉, 我想不斷的在好好壞壞之間穿插才有學習.
又給老師找到了把柄挖苦 (升級 tenor...)
第一個五度音階就奶野.
「先唱 ya 咪又係冇用，你咁鬼用力，又冇打開。
聲帶夾太緊呀你…… 人地唱 high C 係用力之餘用氣去衝開兩邊聲帶，
你就係聲帶一唔用力氣都收埋。
你只有 pp 同 f, 中間乜野都冇。
而家唱咁細聲又同冇學過唱歌一樣勒。呢個 concept 要搞清楚。」
…
「唱細聲 d 唔係唱假音喎，你而家又要係 tenor 前要加 counter 兩隻字。
（講起假音）人地 (Pav) 是假音裏加進真音的。」
事實上我一向沒有辦法用小聲去唱高音, 這是我問題之一.
也懷疑今天聲音不好, 用不了小聲唱上去.
很多普通 choir 男聲 (包埋安格斯) 都可以輕巧地唱真聲的Ｇ, 我卻只懂放大自己的聲音去避開 falsetto.
……
「唱 exercise 始終係太用力﹑太大聲。（雖然已經冇你第一次黎果時咁恐怖勒。）
人地 tenor 唱粒Ｆ唔駛你咁緊，同埋佢地好輕鬆好隨便咁就唱過去。你聽下朱xx.
你而家就好似果 d ”升級 tenor”…… 真的男高音點會咁樣練聲架？
即係好似果 d 岩岩由 baritone 升上男高音，未習慣的聲音。
……唔，你根本就係升緊級。或者係你 concept 有問題。
你自己聽唔聽到自己唱得鬼死咁大聲？唔覺？
咁係你耳仔有問題，同埋 musicianship 有問題了。」
………
我的 musicianship 話冇問題至係假.
計埋果粒硬崩崩的Ｇ, 似乎我又冇乜天份.
唱歌.
Gia il sole dal Gange
「想像從喉位發聲，而不是從喉下面或者上面開始。」
明白了這點就好得多, 不會收得太緊.
「每次唱歌之前都諗下，我今日狀態點樣？
唔好凈係開口就唱，要自己諗下有咩問題。」
「之所以揀呢首歌，係因為夠輕快，跳下跳下咁唔駛你咁緊。
而家你都唱得不錯，係仲有 d lup, 仲 OK.」
Du bist wie eine blume
"So hold", 奶左好幾次－－
「個 so 粒Ｆ唱得幾好，但粒 hold 你跌左落去唱 chest tone!
拿，好似 duet 緊咁樣，兩個人係度唱歌勒……」
有一點沒說過, 又慢又輕的歌我唔夠氣唱.
「你有冇聽過邊個 tenor 咁樣 chest tone 唱歌丫？（有，咪只岩唱 Otello 果個 MdM 囉。）
人地係劇情需要至咁樣唱嗟…… 表演果陣可能加幾分肉緊，但平日練聲唔可以咁架……」
老師有 creative player (新的?), 加上欣賞環節.
一首不知何許男中音的 Du bist wie eine blume... 佢好似好 bass 咁喎.
「唔係嘛，人地唱得輕過你好多呀。（佢話係我又覺得係了，真冇主見。）
或者你聽下 Bryn Terfel, 佢唱唱下可以輕到成個 tenor 咁。」
我耳朵係咪有問題...
後來輕到聲都聽唔到. 迷惘.
還有 Samuel Ramey 的 Non piu andrai.
不行呀, 別用這類曲目引誘我, 懷疑之前係街唱左兩句呢隻所以一塌裏糊塗...
且不算錄音中的神人, 點至可以練到老師唱輕聲都有透徹的音色?
我覺得自己在虛掉了而已, 輕聲入面沒有 core, 話嘆氣唔似嘆氣.
其實唔可以叫 mezza voce 卦, 但其實而家唔可以要求咁高卦.
btw, 老師都在學日文, 總之我有很多熟人在學日文.
__
今天的聲音果然有點問題, 原來要用很多氣衝開.
好似 Bergonzi 咁.
簡直要用力捏住花曬.