踩單車

來了五人 WPH/LWK/TCH/CKT/SYW, 但約下午二時踩單車有點太晏, 稱病稱寒放飛機的是 AI/SWY/RT. 原定有人會練跑, 不過這個人數就一起踩車算了. 今天攝氏十一度的天氣並不覺很寒冷, 又可能是下午的關係, 單車舖一個別的顧客都沒有, 價錢也只六十元 (比公眾節日平得多). 舖頭搞得很慢, 遲遲才找來車子給我, 這架又是騎呢的: 左右 brake 倒轉, 左手剎後輪 (適合我左撇子?? 你又知?? 我已經習慣拉右邊先喎), 前迫力超緊﹑後迫力冇力, 極誇張的不平衡. 不想大家等, 唯有適應一下無奈照去. 明知賺個盤滿缽滿的單車舖裏的車子不是殘就是廢, 難踩﹑摩擦大﹑坐墊又硬到屎忽分開, 也唯有幫襯. 真想自己買一部, 其實也不貴, 不過沒地方放和使用而已.

走到海濱公園盡頭再回來, 途中鬥車快過 TCH. 直踩沙田. 因為這個科學園, 大埔沙田的路程變得迂迴, 車程也大大加長了. 在途中吃腸串 (還以為有可口豆花...) 同事在問「做乜阿成唔唱歌？」在單車上頂多唱到粒Ｆ. (還沒想到去 aud 揀咩歌好, 都應該係首 24 arias.)

回程在沙田兜路時炒車了, 擲個大彎落斜諗住唔駛收掣, 點知轉轉下中間出現個欄, 唯有急急減速, 拉前迫力跟住就滑低左. 好在今日長衫長褲, 趴低都唔覺有乜事, 不然成身都損晒. 而家都損手損腳幾度地方. 這條著左五六年的 Adidas 運動褲都好厲害, 冇擦穿褲面但係我菠蘿蓋就損左... 另一個損失是棉外套穿了兩個洞子, 變成了射穿避彈衣的模樣 (上星期才被姑長讚「這外套又輕又暖很不錯」...) 回想自己真是tenor性, 顧得快顧不得別的, 能收掣時不收掣. 幸好沒去考私家車, 好可能車親人都唔知乜事. 同事七手八腳地幫手清洗包紮, 但似乎她/他們的包紮工夫都唔夠細心唔多好... ((所以一向都話唔好諗讀engine的女仔...)) :P

踩了將近三小時, 不是很累但卻有點意興闌珊, 可能人數不足﹑可能天色陰沉﹑可能明天要上班之故... 大家也就還車去. 進新城市, 咱們的男孩似乎也不怎照顧女人和傷者們. 新同事 CKT 豪爽地請客吃 Ruby Tuesday, 對於請客風不盛的咱們公司來說實屬少有. 薯條﹑蒜蓉包﹑大牛排等等, 還有講來講去都係灰的事情. 女同事突然要走也不知甚麼回事, 原來現在還有人有準時要回家的家風.

往機舖一點興緻也沒有, 被塞了四個銀賽車又炒了幾次車, 小弟走先. 夜晚的巴士就像完全熱了身似的, 這 81 的三波躉居然咬得實二波上大埔道 (係好斜果段都得!!) 過九龍, 咪話唔勁.

”只放一日好似冇放過假咁.”