Wandering and wonderings

你的名字

主題

| 來自：ywsing0
| 時間：Sun Feb 12 01:09:34 2006
|
| <font face=courier>其實原本係想湊夠數目做藝術節之友至買埋呢場 (不過最後都湊唔夠.)
| 
| Grand theatre balcony 的二樓, 從沒試過在這兒看表演.
| 這兒座椅質地都夠吸音的, 難免聲效不成了.
| 
| 只有音樂沒有人聲的演出, 在沒看過舞劇的我面前, 變成了一齣默劇,
| 又總是預期著主角們會開口發著聲音, 焦急地卻始終聽不見一句對話. 幸好翻過場刊才知做緊d乜.
| 女主角：「老豆你同我摘棵玫瑰。」
| 野獸：「你返你屋企，搵條女黎帶畀我。」
| 老父：「女呀女，你去陪野獸啦，我唔得閒理妳了。」
| 要諗點樣將以上對話變成舞蹈都夠想爆頭的.
| 
| 
| 女主角矮過佢兩位家姐, 殊為一敗筆.
| 舞台遠遠的看不清樣子, 不知好事不好事.
| 故事一開始進展得快, 王子因為瞰女轉眼變成野獸﹑屋中的事情匆匆而過, 到郊外景時速度才開始減慢.
| 舞姿中的感情因素我也不甚了了, 但兩位配角姊姊的花巧步法還是輕易看到出來.
| 女主角戲份最重最吃力, 也最有效果, 成日飛高爬低. 男主角野獸就行來行去﹑轉來轉去既多.
| 中場休息前已經見到美女已經見到野獸, 中場休息後有野獸求婚一幕, 有時覺得, 跳來跳去分別不大嘛.
| 也許該說說拎枝竹左篤右篤﹑盲中中矇盛盛的阿婆, 是全場唯一的幽默. Well, 還有二女壓一夫的一幕... 哈.
| 最後一幕野獸等死的場景挺淒美, 仲放定個棺材係度畀自己訓添.
| 女主角來到﹑野獸復活之後, 再來個漫妙美麗﹑斯文大方的 love duet, 客氣多而激情少.
| 進行還算連接, 雖然還是看不出美女何時開始被野獸打動了.
| 跳舞藝術很優美吧－－佢地會唔會炒粉既呢?
| 
| 謝幕勁快, 集體鞠個躬﹑獨舞者逐個出黎鞠躬就搞掂 (可能因為有演後藝人談之故).
| 音樂是 Glenn Buhr 不過不失, 個別抒情曲調還挺吸引.
| Perfect fifth is so amorous.
| 早知應該看舞版蝴蝶夫人, 那套音樂較熟悉得多了, 也應該跳得較激.
| 
| __
| 
| 
| 睇 ballet 有個好處－－
| 玩音樂的人唔係聾既就得, 但唔係咩身型既人都跳得舞.
| 再假設玩開果範的人會多睇果範演出, 而普通人會較少去睇佢冇接觸過果類的表演.
| 所以
| ...
| 芭蕾舞表演場中 (無論台上或觀眾席), 身型過份豐滿的人, 比聽音樂會的少很多.</font>