來自：ywsing0
時間：Mon Feb 27 00:33:01 2006
不是誦樂坊, 不是銅鑼灣, 來到太子一家琴行.
靚琴給人用了, 得一部 Lauren 廢野, 仲要d掣會唔彈返上黎.
老師剛從長洲回來, 昨晚劈過酒喉嚨痛. (咳!)
隔了兩個星期, 忘掉的比想像中多得多, 感覺唱唔返上次的水平.
又可能時間太早. 熱身熱得不好, 狀態很緊, 又吵又多力.
「擺後點，擺咁前點得？
擺前聲音較清，（扮，aeiou），但咁樣好聽咩，你想咁樣唱？
唔通你咁樣唱到 high C?
厚聲就係厚聲既 tenor, 唔駛扮人扮薄。」
我也分不清, 但這樣唱上去負荷有點重.
同埋係咪聲帶有咁厚就用咁厚? 不會太強嗎?
老師是否較喜歡多明哥那種男高音, 所以催我向那方向走. 畢竟他是男中音.
房間很多雜物, 回音少很多. 也許這個也在作崇影響到我.
「咁樣至好呀，之前果間房空無一物，實係鬼咁響，又點，呃你的。
聽落好嘈咁，一出大 hall 咪又係冇聲。我果時學果度有隔音膠﹑地氈添呀。
APA 有度叫木人巷，回聲好勁，但冇人鍾意係果度練歌。
表演時的場地咁大，你睇下文化中心﹑大會堂…… 係呢度唱得多把聲至會大。
唔通你係沖涼房表演咩？」
...回音少的房間唱歌我會易扯, 呢點我就知.
氣息跟聲帶同時運用, 不要氣息用得太早.
「（一臉無奈）(drmfsfmrd) 最高粒音唔好爆出黎，唔好聽。」
掛住用氣的後遺症.
＜練歌＞
Danza, danza fanciulla gentile
擺後位置 (#@%&!% 今日成日推前... 可能間房作怪)
唱極都炒, 死吧, 拎個譜架黎!!
搞掂, 我係一定唔可以對住咁低座琴唱的...
要連, 一開始的六粒Ｆ唔好爆晒出黎.
粒 mio 個 o 唔似樣. 走音.
Gia il sole dal Gange
「做咩不停咁轉換位置？
一時成個 Alagna 咁，跟住又變左做 Domingo?
你自己唱緊唔覺，人地一聽就覺得好怪。」
掌握不足, 找不到從那兒發出嗓音.
我的真嗓子是怎樣, 自己都聽／摸不清.
老毛病從第一天唱這首歌積到而家.
「唔好係度怕果粒Ｆ，明明唱到，唔駛爆佢出黎。Gia il sole 要連。」
「唔好句句都咁大聲，好爆。觀眾聽得好辛苦。」
「In gemma 的 e 要唱長一點，唔好避左佢。」
「要斷就要斷，唔係冇氣要吸氣，而係意思上要停頓。你三句一模一樣咁唱就唔好。
頭兩句 dell'alba che piange 一氣，跟住再 dell'alba che piange 就加重。
每一句都要連一點。」
「你隻耳係差一點。（音準聽得不好。）
不止這個，你時常聽唔到自己唱成點。要小心，不然浪費了自己的聲線。」
＜吹水＞
Thomas Allen 的音樂會.
「一定要去呀下！
咁出名的歌手黎表演好少機會架咋，難得票價又可接受。
男中音，同醇酒一樣，愈老就愈靚聲。
男高音就係 fresh 既至好，三十歲最靚聲，四十歲最成熟，之後就dup架勒。
……所以你五十歲之前唱 tenor, 五十之後轉做 baritone, 岩岩好。」
好一個有趣提議, I agree, 就只怕唱極都唱唔上 high C.
馬勒八, 千人交響曲.
「練成點？（馬勒唔係路架，合唱 tenor 有 high C﹑bass 有Ｆ#…）
咁你咪可以當 tenor 咁唱囉。（但又有 low E 呢…）
我未睇譜呀，Brian 同我講『睇左譜先算』，我都唔知點… 佢好驚咁……
放心，大不了唱唔到唔唱，我仲有得反口，哈哈。」
再想想, 如果老師退了, 還有誰補上? 退一個冇一個, 最後仲有冇人唱?
倒返轉講, 以香港細小的人口, 如果搵得齊人上一場像樣的 m8, 真係很不錯.