行山﹑IEAA dinner

不是麼, 呢個世界人人覺唔覺意就放飛機, 講完的野不當一回事, 我仲同自己講做人要重言諾, 豈非戇居?

吃碗通粉坐 110 往西灣河集合. TCH/CWM/MCF一家四口/CWY及另一半/WPH/SYW 往大潭水塘行山. 其他應承去的人都不到, 其中有發起人 TY 的理由「我聽日要行山，今日唔黎啦。」

是否我期望太高, 坐到的 3348@Rt.14 很洩氣, 實在不似歐三短躉, 仲旨意佢二波飊上柴灣道. 過左個壩落車行入去.

中學以後很久沒被人取笑衣冠奇異了, 今日居然被 CWY 破口"讚"我件 oversized Polo 仲要攝埋入褲度好「型」. 老實說我不覺得有甚麼特別, 件衫大概是唔知我尺寸的親戚送的, 唯一只是今天天氣比想像中熱而已.

行左兩粒鐘. 昨晚網友 J 傳來的新聞組訊息我已經知唔妥 (做乜d人咁多口?), 今日我的人工底細都畀人起晒出黎. 夠了, 假日請不要提公司的事.

CWY 一個不慎, 整到馬小姐隻牙流血. 落返鰂魚涌, 四個人去hea, 我第一次走入星巴克, 並沒有意欲作第一次幫襯. 傾多兩傾就散了.

晚上到佐敦大華酒店的 IEAA 百人晚宴. 講句宣傳, 所謂 IEAA, Information Engineering Alumni Association 是也.

唔計幹事 wongks0 + leeyc0, 原本有四個 IE00 話會黎, 最尾得返我同歐陽.
宗仔：「咁多屆 IE 係我地呢年最摺架啦，次次搞的活動都冇人參加。」
另外來了教授 mchang, lkchen 及 pcwong.

跟 IE01 們同一檯, 起初我冇計傾, 但一檯三個老滙人, 坐右面的是IE01的soc P Levin鮑. 個個開口問句「你係邊頭做」實在已經問得太令人生厭了. 差唔多人人都有卡片, 係我冇.

師兄 thho9 在隔離檯, 打個招呼. (我有這個學系ID 的情意結.) 因 spc 而相熟的 kklee7 也在, 但不久他便離開參加另一婚宴. 順帶一提此公尚不忘瑪嘉烈．李, 係度問佢會唔會黎.

全場較矚目的應是第一屆畢業生 IE88 們, 一個個都是中坑, 當年盲中中入左呢個新屎坑, 談起舊事還有點興奮. 但似乎當年的大學生活沒有今日的多姿多采. 當年 IE 是從 EE 拆出黎.

跟拜仁 tykwan7 吹水, 問及市價, 「岩岩 fresh grad 10k 左右，銀行之類好一點有 12k, 之後大若一年加 1k.」 各位, 這說法乎合現實嗎?

對著一位位教授以及切燒豬開香檳的影片, 不期然有歲月流失的傷感.

祖兄作的曲子《情繫訊工》其實OK, 算是易上口, 不過那個中途轉調很俗氣, 猛咁播會聽到頭痛.
中氣不足﹑聲音擺唔正, 獻唱時高音明顯地flat, 歌藝還待改善.

上次已跟親戚黎過呢間野, 呢度係得壽司好食, 那些熟食真的罷了.