來自：
時間：
來自：ywsing0
時間：Sun Mar 26 00:05:14 2006
| 春風秋雨 (1959) 爸九歲時看過的舊彩色電影, 當年是全場人看到最尾都掉淚, 近來買了 DVD 昨晚在播, 我就跟著看了數幕. 悲慘故事的主角是一個黑人女子跟白人生下來的白皮膚女兒, 總是不忿自己永被岐視的黑人身分 (男友發現後甚至被掌摑丟棄), 最終為了爭取身份地位而不責手段, 不惜流落夜總會, 跟母親吵翻, 最後母親病逝. 另有白人主婦母女穿插其中, 編織另一個悲情故事. 最後一幕看到黑人儀式的隆重葬禮, 女歌手大唱爵士風味的靈歌, 一句句尾軟軟的收蓄, 老爸說單是這曲已教人落淚. 四隻白馬帶領的行列, 拉著花車, 還有樂隊伴奏. 出走的女兒最後一刻哭著飛奔趕來, 爬在棺上, 大哭 "Mother, I've never meant it!" 看近來的戲都不覺有如此簡單地動搖人心的場面了. 眾演員演技的入神, 也教人佩服, 我就是喜歡懷想那個年代. __ 晏晝好開心咁闌左半日街, 紅磡線船真係拍烏蠅 (唔虧錢的嗎?). 去太子遇上塞車, 上埋堂去文星搵老豆. 夜晚去試新野文化中心樓下的 Cafe Muse, 因為有張八五折優惠券, 也是預祝細妹生日. (上次聽唐璜前想去美心醫肚, 點知執左笠變左呢間野.) 又是自助港式西餐, 這兒的魚生很"諧", 但主菜好一點, 一長條蒸鯇魚著實鮮甜, 生生的也不怕吃. :P 有成座朱古力噴水池, 可以拎棉花糖去塗朱古力, 仲好過癮添, 我就拎埋塊蝦片去點... 可惜蝦片太硬... 不如我伸隻手入去然後啜自己手指, 仲過癮...... 好甜, 太甜了!! 算是價錢合理吧. 偶遇大同 pkhung0, 幾次取食時見到, 卻是怕認錯的尷尬, 最後也笑著打了個招呼. 想當年還是跟同一個xo做 FYP 的, 佢而家都可以叫做同事添. 連細妹都兩張野啦. __ 猜四字成語. １．鼻毛太多的煩惱 ２．天堂的洗手間 |
__
Bookmark 之中「八卦」folder的list愈來愈長, 想轉的野就愈來愈多.
無意中發現外行人看歌劇的記述.
我即刻想飛去 Covent Garden.
「從歌劇回到夢想
尋晚, 晌london 既 royal opera house 睇 opera
咁大個女, 第一次著上優雅黑色晚裝裙, 配以高跟鞋,
再晌優雅至極既歌劇院睇opera*。
(*註： opera 唔同musical, 唔係 phantom of the opera, 唔係 les miserable o個d。 opera 係全管弦樂團 + 類似莫華倫、 Pavarotti o個d 高音人士唱既古典文學歌劇)
£20 坐最高既山頂位, 好在唔駛企, 企位要企3粒鐘, 真係唔好講笑。
Macbeth 係 Shakespeare 既著作, 亦係佢四大悲劇既其中一部。
故事大概係關於命運、預言、權力、野心、人性邪惡、罪疚。
內容唔會晌度詳細講, 有心研究既, 就自己買書睇。
睇完opera, 感覺好震撼。
opera house 好大, 好grand,
佢地唱意大利文, 我全程要睇字幕。
不過由於係古典文學, 字幕d字都深過人。
演唱Macbeth既 Thomas Hampson, 聲音雄厚,
佢地並唔需要用咪, 只係一把聲,
我坐山頂位, 每一粒音都聽得好清楚。
好佩服, 高音低音, 所有技巧全無走音甩咀,
專業人士就係e d。
講真, 我一向都係buy 藝術家多過醫生、律師etc。
晌我心目中, 藝術家先係pro。
我次次去london, 都要去covent garden,
o個度大把人賣藝搵食, 好欣賞佢地。
中學已經希望過浪跡天涯生活既我,
曾經諗過學好一門手藝, 影相、素描etc,
然後邊流浪歐洲邊賣藝賺水腳,
幾咁飄泊, 幾咁瀟灑。 (唔好噓我, 本人為浪漫派支持者。)
……
又咁, 曾經又諗過做作家,
寫好小說, 日日過爬格子既生活,
晌海邊飲住茶睇住日落, 寫自己、寫人地既故事, 幾爽呀。
(留意, 本人唔主張早起, 故此係「睇住日落」)
……」(Sinobean)
「每日一字： MUFFIN TOP
咩叫做muffin top 呢？
大家有冇食過muffin 呀？
有冇留意muffin 通常係用個紙杯仔裝住,
而muffin 頂部就晌焗既過程膨脹,
於是形成差d 綻爆杯既脹卜卜muffin top。
好喇, 到底muffin top e個字點用呢？
如果你晌街 (香港少d, 英國就大把),
見到有個女仔著條低腰褲,
然後加件短top仔,
之後再事無忌憚咁坐低,
晌o個一剎那, 你就可以指住褲頭上、短top 下既部份大叫： MUFFIN TOP呀！
……」(Sinobean)