來自：ywsing0
時間：Sat Apr 15 23:25:33 2006
昨晚問fof 或新網友鼠．胡兄借其伺服器的戶口. 成功復埠, 特此鳴謝.
如果是可以 ssh login 的 Unix 就更好了 (很奄尖的說 =P)
走漏幾封舊post難以避免, 各位見諒.
吃完早餐無端端給爸叫了去奧海城, 我明明沒胃口吃飯...
在旺角碰見樹雄, 在運動用品舖買到眼鏡繩 $19, 兩人往旺電及商務逛.
催他建立 linux server －－多個鬥多個選擇嘛.
其實我始終最想用 167, 終究叫做係自己野, 有埋root添.
鮑花﹑卓灝皆失去聯絡, 呢個世界有好多人我都唔知佢地諗乜.
1500-1700 往官涌羽毛球.
蔡生自己唔卜場就猛咁催人卜場, 唔識計分就係都叫人計分打, 自己唔識用力就問點解大家打波唔用力.
仲要唔鬼識走位, 企到亂七八糟, 實在好頂佢唔順.
唔怪得事後有人覺得今日總是不盡興的樣子;
其實近一兩年我都很少經歷返以前打得投入到忘我既境界了.
鍾意打波﹑鍾意唱歌, 某程度上只係想麻醉自己而已.
打波得緊張時你不會胡思亂想, 飊到高音時你根本不會思考, 可能跟醉酒一樣.
運動後聲帶 (嗓音) 比平常變幼了, 是甚麼緣故?
在茶餐廳吃下午茶, hea. 再跟另外三位中同會合往尖沙咀妹仔記晚飯. 今天也是沒胃口, 正常的我吃一份三文治再吃一份晚餐根本不是難題 (我在同事之間算是大胃王, 但在中同之間只是普通), 但今日就日頭食唔落碗粥﹑食完tea食唔落飯. 但身子沒甚麼不妥.
往油煙嘈雜的機舖. 老實説我對孖寶賽車一點好感也沒有, 也許之前玩 WackyWheel 時已經嚐夠同類遊戲的滋味. 隔鄰的實感賽車遊戲, 680hp 的癲雞谷到 315km/h, 倒是看得很過癮. 另, 在機舖裏, 眼看手不動是我的信條. 成日覺得, 打機係屋企都得啦, 係度仲要畀成班人睇住...
未夠九時半草草散場, 一眾人都這樣乖, 聽日明明唔駛返工, 大家完全做不回夜貓子嗎?
※
kkchan0 問投資的事, 我只能這樣回答. "if no money, buy nothing."
丁咁多錢一手大股都買唔起, 就想發夢玩投機滾大, 儲起應急好過啦...