來自：ywsing0
時間：Sun Apr 23 22:04:53 2006
晨早八時出發, 在窩打老道麥當勞吃早餐, 已遇上志超志新兄弟. (佢兩個唔知做乜坐埋一邊...)
轉往廣華街, 今年租的是架大旅遊車, 就像小時候一般的浩浩盪盪.
租架 KP 牌的日本車都仲用緊葉片懸掛, 行車 dun 一 dun 咁樣, 唯力水叫做足夠, 差勁.
今年展雄唔黎, 聽說在家發嗔﹑不願見人. 堂姐夫 Joe﹑明叔的兩個細路都在, 生力軍是也.
感覺今年比上年要熱, 我想下年應該帶替換衣物以備不時之需.
鑽石山石葬場, 拜太太女麻﹑太女麻.
準中醫師：「你塊面爆得好勁喎。」
耀華：「真？型呀!!」
準中醫師：「……咁我開劑藥等你再型 d 勒……」
問及展雄近況, 佢的一番對答, 嚇得我目瞪口呆－－
耀華：「近來做緊咩？」
展雄：「我… 我我… 我… 我約左女仔去唱Ｋ呀。」(！！！)
後來傾多d, 至知係一班 friend 四條友一齊去的, 都未沙膽得晒......
「唱到六點呀。我我我… 我地做左Ｆ４。～」
不過佢第一句居然咁樣講法, 我就覺得, 佢一定係鍾意緊果個女仔勒!!!
被人發覺在唱歌, 算來學唱已有一年.
紫君：「聽到你唱歌喎!! 學緊歌劇咩？好勁！
（未等我答）做乜去學，梗係鍾意果 d 女仔勒，係咪??
（未等我答，指住我塊面）你個樣已經出賣左你勒，哈哈！」
......What can I say??? 是也, 非也?
Nebtreko 呀 Moffo 呀就冇乜所謂既.
三伯：「有冇捉象棋？不過唔駛同我捉，我級數好高架，同我捉實嚇你地一大跳呀！」
德裕：「飛象過河丫嘛，實嚇一大跳啦……」
荃灣永遠墳場, 拜太公﹑阿女麻阿爺﹑太婆﹑姑媽.
仲未仲未認得路. 我得承認自己的認路本領很差.
眾多先人入面, 印象最深的都是阿女麻了.
眾多孫子入面, 阿女麻都是最錫我的了. :/
btw, 又見到上年見過的網友.
長沙灣, 拜太婆﹑同埋 (果個係咩親戚話??)
架車明明上到去上面架, 但兩個叔伯就懶型話要落車行... 曬死了......
到龍皇酒家吃飯, 被電視台播的港產片迷住了, 計都唔識傾. 所以我一向反對對住電視吃飯.
年年一向拜完山的下午都唔知做乜好, 但今日真係唔想返屋企, 也許要整理自己的心情.
無所事事陪德裕買書櫃, 去到沙田的IKEA. 食tea, 再行新城市.
商場搞 gag 整三對三 (or 4v4?) 足球賽, 又睇得幾過癮.
標準足球就如正式十九路圍棋, 而如此小型足球賽大可比擬為九路棋.
小球場﹑小棋盤講究腳法﹑手筋, 大球場﹑大棋盤卻更講究戰術﹑陣式﹑厚勢.
忽然想起以前秀策年代曾用四個棋盤拼埋賽棋, 而家應該搞個三十八路圍棋職業比賽嘛.
回家沖完涼吃飯才發覺累得要命.
去程的廢 AL 要kickdown到一波液壓, 回程的 ATR 食住個四波上大埔道, 好誇張.
多謝女麻女麻.