買禮物

爸病了, 昨天發過燒, 今天留在家休息.
奧海城滿是可惡的地產經紀, 個個都阻你一餐, 實在煩得很.
阿媽：「好在我拎左架買餸車出黎咋，冇人問我野。」
笑. 事後拎架車去招搖撞騙, 證明真係有用, 冇人會走黎問個拉住餸車的「去唔去睇樓？」

去了老豆一定唔會去的食肆, 在奧海城的越南軒午飯. 間野好慘, 出面d睇樓人排晒大隊同埋成班烏繩堆住, 冇人肯過黎食野, 空盪盪的. 上次黎睇坐爆. 這兒飯菜份量倒不少. 媽到超市購物買餸後回家.

難得有此空檔, 跟細妹到處找禮物給母親. 生日嘛, 店員還提醒母親節也快到了. 妹決定買手袋, (買得起果隻), 所以是日也少有地在女裝部徘徊. 我乜都唔識架, 唯有聽細妹點. 在第一間舖朗豪坊西武其實已經找到覺得合適的, 牌子叫 Koji, 但還是往銅鑼灣去 (其實我想行街). 崇光裏全是買不起的 LV, Gucci 之類 (其實價錢牌都沒有, 諒我阿媽都唔識分名牌不名牌, 唔好話我地, 買黎徙氣), 好一記悶棍. 在三越又碰見 Koji, 但平一點. 再走了時代廣場, (其實是我想去而已) 看完 Disc (Hi-Fi 雜誌見到你地班友仔) 和 Pageone 後兩人都有點意興闌珊, 回到三越買走個 Koji 就完事了.

走一轉商務. 小說「圍棋少女」拿起就看 (很像甚麼日本青春漫畫的書名), 一看卻幾乎透不過氣來, 一如所料是拎乜乜文學獎的嚴肅大作. 講述二戰時中國下棋少女和日本間諜發生的愛情, 最後兩人自盡告終, 悲涼得受不了.

妹不肯下午茶. 我腿也走酸了. 始終係女人涯得...

在聽 Un ballo in Maschera.
Jan Peerce 唱得很像 Richard Tucker...
其實論時序應該倒轉黎講, 但平日的皮雅斯唔係咁的...
這個男中音角 Renato 很高音!!

※

玩過未? 飛碟與花

我是九龍人, 記不起海的另一邊有這玩意. 玩過的次數應該不多.

"To the world you may be one person, but to one person you may be the world."
(佚名)

兩個 choir 一齊停. 係咪想悶死我?

※