來自：ywsing0
時間：Sun May 07 00:34:19 2006
上課前居然在太子撞到 chchan 及哥白尼．黃. (兩個鬼鬼祟祟去邊?)
落堂搵返佢地, 有人未出糧已經諗住買 notebook 勒. 哈.
其實兩皮幾一部 MacBook 大拿拿兩個月人工, 我唔覺得有咩大用途咁值.
晚飯在菓一道 (這名字實在不好聽) 吃串燒餐, 那配菜居然有朵辣椒花,
我吃了下去辣死了. 比 wasabi 厲害好多, 辣椒的後勁凌厲得緊.
用膳後上車才發覺忘了拿手提包, 死死地氣坐回頭小巴返尖咀.
拎返個袋之後懶得咁快返屋企, 順勢走走星光大道.
今個夜晚很美, 道上甚至有人拎住結他, 載歌載舞.
從前看海的日子, 真不錯.
路很長, 夜也涼, 我可以選擇走到盡頭的, 不過很累了.