將軍澳﹑淘大

來自：ywsing0
時間：Sun May 07 22:40:56 2006

晨早入將軍澳跟婆婆飲茶.
人多的商場搵間高級一點的食肆也沒有, 只有係間極嘈雜的酒樓度等位.
好孝順咁封左兩千蚊利是畀婆婆. (別要給她那些院友偷掉了...)
購物時間, 婆媽妹選購衣物, 爸在千色店買多個背包.
近一輪爸像中學生般, 整天背個背囊周圍走, 還真有趣. 懶理別人的目光, 也是我們的性格.
往老人院.

一家四口到淘大逛街.
佢三個睇戲我就去商務, 腿也站酸了. 有本搞笑的書叫甚麼「空想科學」的, 專捉日本科幻動畫裏想法不成立的弊病, 書中經過精密計算, 研究結果得出, 竹蜻蜓產生的空氣壓力足以教叮噹的頭顱爆裂. 諗清楚, 本書可能誤會左一樣野－－竹蜻蜓 (直升機) 產生昇力的方法並不是風扇般吹空氣, 而係利用飛機機翼上下翼面的氣壓差 (Bernoulli effect), 只不過由前進改為旋轉. 一百斤的升力未必代表一百斤的空氣下壓, 佢計算用的公式未必成立.

「迭」字是簡體字嗎? 繁體正音點讀?

淘大 A&B 總比 HMV 好, 至少沒將 Paul Anka 掉進 classical & jazz.
夜晚在美心 (又是美心) 食飯, 恭賀阿媽生日. 叫左個好清的餐, 係有條魚咁樣, 屋企人都好怕大魚大肉﹑或山珍海鮮. 總之, 健康要緊, 但爸還是幾乎給菜裏的味精弄病了.

淘大還真是個熱門商場, 下午茶在快餐店撞到同事 RT, 夜晚係巴士站又碰到舊同事阿峰.

我是急驚風? 還是慢郎中?
只知道自己腦袋一向很遲鈍.

※

What are stupid designs. What are shitty softwares. What are brainless coders.

＊邊個天才設計鍵盤, ScrollLock 上面整三粒 Power/Sleep/Wakeup 掣, 等你唔覺意禁錯左會突然乜野都冇晒.

＊我禁錯左.

＊唔知係邊間廢物公司寫呢個作業系統的, 按錯 Sleep 掣點都醒唔返. Wakeup 掣亦都係廢, 唯有熄機重新啓動.

＊重新啓動後, 豈料網絡卡失靈. 由 win98 年代就知個 Realtek 驅動程式係廢廢地, 成日忽然上唔到, 到今時今日班友都冇fix過.

＊沒法子, 再 reboot. 去廁所.

＊又係個作業系統的白癡design: 做乜要 DHCP 拎到 IP 至肯畀你入 logon 畫面? 拎唔到 IP 就停係度呆成分鐘徙晒我d時間?

＊始終都唔得, media disconnected. 玩 loopy 打發幾分鐘, 有時時間可以解決問題, 但都係未上得.

＊而家估係個寬頻router搞鬼勒, 拔插 power.

＊都係唔得. 試 ipconfig/renew, 得個等字.

＊難得我有兩張網絡卡, 唯有試下另一張得唔得. (要我烏低身去換架.) 唔得.

＊再重新啟動電腦, 無效. 再重新啟動router, 無效. 再打 ipconfig/renew, 無效.

＊爆粗. 在心中.

＊開瀏覽器打個網址, 等十秒.

＊失驚無神忽然終於無端端又上得返網.

一點雞毛蒜皮小事, 浪費了我十數分鐘.
已經未計我唔ger 打呢篇廢話的時間.