Wandering and wonderings

你的名字

主題

| 來自：ywsing0
| 時間：Fri Jun 16 00:39:20 2006
|
| <font face=courier>翠華真是時常撞人的地方, 午飯時間在門口碰到表妹.
| 
| 
| ※
| 
| 
| 張米回港的聚會.
| 坐 104 到九龍, 七時半多往"佐地恆", 已經來了不少中同.
| 很多面孔久未見面, 很多面孔不認得.
| 回地面步行往菲律賓會, 露天燒烤.
| 
| 
| 吳被我昆了... Ｄ的婚宴得佢一條友去.
| 唔係特登昆佢的, 我估唔到咁多人唔去, 又唔知佢會咁快答左...
| 不過, 後來好像有人加入.
| 
| 張米．劉：「估唔到你學唱歌喎。
| 　係香港，好少人會真係追求自己的理想。
|  我玩 brass 的朋友居多，因樂團關係 violin 朋友也不少，學 vocal 就真係唔識幾多個。」
| 不如說, 香港人沒有理想.
| 
| 李浩然在屯門中學當教師, 難得佢話呢份工「冇乜所謂」.
| 「ｄ學生咪上堂耍下你﹑擲下粉刷﹑拎鐵棍打交，將門門窗窗整到爛晒，
| 　咪好似睇《逃學威龍》咁囉，套戲係冇誇張到的。
| 　我都試過粉筆擲學生啦，粉刷就未試過。
| 　男仔易教過女仔，男仔可以&#27705;，女仔上堂凈係度化妝，講乜都唔聽。
| 　學校津貼的課外樂器學習就個個都專心喎，音樂堂就冇人專心，叫佢地唱歌一定唔得。」
| 另外, 李對每個不認得的女孩子都很感興趣, 不斷問這問那.
| 
| 同屆還有創業者林, 在銀行工作受不了穩定, 出來開時裝店, 現在分店已達五間. 談吐完全老闆娘feel.
| 「要我打工日日咁早起身，我受唔到架。
| 　以前係銀行打工，見到ｄ人勁有錢，廿二歲戶口有百幾萬，原來係做生意的。
| 　之後頂唔順就出左黎開舖喇。
| 　而家每日兩三點返舖頭，十點收舖，幾好丫。」
| 「第一間舖當然係細的，生意永遠由細的做起，第一筆投資廿來萬，
| 　揀個靚位，三個月break-even.」
| 「店員人工要不時加，唔好等佢地問，要佢地開口問就係唔好。
| 　（唔好姑寒）Sales 都係收佣，人工高即係同你賺得多，畀佢的人工係值的。」
| 「店員穿櫃筒底，此類事情實有發生，我的原則是，只要你搵到錢，你拎一千幾百我都唔介意。
| 　有sales 賺唔到錢，點老實都炒架勒，平到六千蚊人工留你係度都冇用，
| 　當然好客氣咁好來好去，『呢個環境唔岩你，不如你轉下啦』之類……」
| 「入貨，我target中高價位的時裝，目標客人是錢多的富婆。」
| 「最梗要做到的是如何『封場』，畀如看岩貨辦後全部買晒，要做到全個商場只有你一間舖賣果隻貨。
| 　叫個來貨商不時send張list, 等我知道有邊度賣緊呢隻貨。
| 　好重本？怕投資大怕重本做乜鬼生意，要做到你間舖獨特﹑有獨家至得。
| 　如果同其他舖型式相同﹑差唔多樣，大家鬥平，那是沒用的。」
| 「開舖睇區份，xx 商場（外貌頗舊）附近的住客全都上左樓﹑買晒車，
| 　好似呢頭的新豪宅區，其實個個住客都供緊樓，實冇錢買衫架勒。
| 　遲下係元朗開一間，雖然山長水遠，但調查（那兒的調查？）話果度ｄ人有錢。
| 　銅鑼灣開舖就唔掂喇，租又貴，而且經過的都是年輕人，其實冇乜邊個有錢買貨。」
| 「女人買衫只鍾意女人睇住，男店員係唔請的，而且年過廿八通常都唔請。」
| 
| 聽到的是, 能夠有今天, 就係因為當初有好多野「受唔到」.
| 還有一句, 是小財不出, 大財不入.
| 後來走的時候林坐自己的私家車... 看不見司機是誰.
| 
| 明年社長發起的鷹社大聚, 近三百人會有多少人出席呢?
| 離開了學校, 別說要二百多個同級同學聚在一起, 聚齊一班同學也難.
| 
| 
| 爐旁很熱, 大熱天時沒有誰愛 BBQ 的.
| 食物款式很少, 坐得不近爐, 又怕熱氣, 只吃到小量東西, 所謂自助餐其實不飽.
| 又再唱歌? 不好了吧. 聽得太多就冇surprise了. 太怕醜了, 嘻嘻.
| 填聯絡form.
| 來幅大合照.
| 每人一百元.
| 
| 許聲稱自己飛的趕來, 沒吃過東西便付鈔走, 之後還很豪地打的, 請埋順路的小弟返屋企.</font>