逛街﹑買碟

在新世紀看書, 往太子上課. 有史以來表現最好的一課.

在旺角閒逛. 我的確是個慢郎中. 上年去旅行跟家人爭相機, 果時決定下次旅行買部DC自己用, 但到而家我都沒有購買慾. 高科技產品都很討厭, 價位高居不下, 總是乘著潮流趨勢刮一筆, 而舊了的產品很快就消失於市場, 能夠大賺你荷包的才擺在貨架. 將所有垃圾功能放在同一部機以便吹噓, 好似萬用一般, 但經常忽略基本的產品質素, 愈新貨色﹑愈唔襟用. 我想撿便宜貨嘛, 用得咪得囉, 但就是不讓我撿.

在旺電見到兩個識的人. 我不知叫不叫巧合, 一條是仆街﹑一個叫PK. (前者名副其實是條仆街, 後者名字縮寫是 PK. 至於前者姓名跟仆街二字諧音, 更是自不待言.) PK的另一半已不是讀大學那位. 果時同吳傾緊電話, 豈料數小時之後, 吳係母校對出又見到仆街. 世界真細小唔緊要, 唔好細到周街仆街至得架.

忘記了諾基亞專門店, 唯有回去問問, 但店內情狀教我開口都免了.
一樓, 只有觀眾沒有店員, 二樓, 又坐又企排滿了人, 原來是拿籌維修的地方.

到尖沙咀吃飯. 回家.

※

七十元買了兩隻碟.
Ten Tenors in Prayer
Ten Tenors in Love
唔知關唔關平野／大陸野事, 沙沙聲的音色很粗糙. 但係 CDDB 又有記錄架喎!

Domingo 唱聖母瑪利亞 (Bach-Gounod) 呢粒Ｂ不錯. 但係, 之前聽 Gigli 都唔為意呢度有粒high note...
Pavarotti 唱的 Cuius animann, 這位歌手唱這首歌才是我買這碟的原因;
但, 唔覺得好過 Stephen Costello, 可見後者幾強橫.
Bjoerling 唱那首悲歌的聲音弄得很厚很dramatic, 中音出奇地重, 差點認不出. 原來佢都有呢一手!

第二隻碟, 好聽的是劈頭第一隻Pavarotti"完美的和諧."
Domingo 唱 Spirto gentil, 我以為佢唔會唱呢種rep...
bel canto/lyric tenor/highＣ跟佢把聲的形像總是有點距離. 恕我一句, Donizetti 變成了 Verdi.
Araiza唱Dein ist mein genzes Herz聲音有很稍微的不適應, 遮莫因此此公近來消失了.
實話說我就唔覺得Heppner似Wagnerian或者Calaf, 唱卡拉夫的飲歌只是麻麻, 嗓音有點發軟 (用力?).

聽返卡羅素唱Cuius animann, 位友玩野, 裝到好似唔見晒d吸氣位咁. 粒Ｄ唱假音添喎. 我已經唔可以客觀咁評價佢的演譯勒.

※

轉載, 友人 LC 心目中的成熟. 大家不妨跟自己比較下.