來自：ywsing0
時間：Fri Jul 28 01:49:46 2006
總算趕及”劉姨姨”離港前的一餐晚飯.
好耐冇爆響口發覺自己屌人屌得冇咁應喇, 當我聽到畀陳HY 昆左程寃枉車時, 乜粗都即爆出黎.
係咪專登架－－上次找個借口唔叫我, 今次又點我去旺角.
坐小輪去尖咀頂多$2.2, 家下搭左104轉返地鐵, 白白浪費十幾蚊!!
韓國壯陽丸... 漢陽苑自助燒烤.
服務態度差劣, 自助形式果然係縮減伙計人手的妙法, 廚師都慳返的好諗頭.
d碟整到細細隻費事你食太飽, 小器得教人看不起.
自助燒燒得唔好只怪自己手勢差, 但食物本身明顯唔多鮮味. $108 落樓.
八人在街上呆站.
往 Quando Cafe. （「何時」咖啡店？）除鞋走上閣樓天台坐榻榻米, 位置窄小不夠伸腳, 腿也坐酸了.
好運地叫了對口味的峰蜜綠茶. 沒人有興玩棋子.
吹水多圍繞講不完的中學瑣事, 好多野雖然已事過數年, 但每次愈講就記憶愈清楚.
今晚, 有人唉聲嘆氣, 有人嗌話自己／大家老了, 中同聚出現這類話題非第一次,
而且隨著時月遞增應會愈說愈多, 難怪人到了老年時說來說去的都是那幾句話﹑那些聽得多到沉悶的回憶.
少年人愛說的是未來, 學生哥諗升學途徑﹑大個做乜,
中年人多說的是過去和現在, 畀如追問近況和分享共同回憶之類,
到最後, 老年人只能每天嘆道自己的威水史, 青春已過, 未來已不堪一提.
難得劉姨姨回來一次, 吹水吹到零時也不要緊吧. $33.
回美國當藥劑師, 下次返黎幾時? 睇下班中同幾時結婚lor...
※
沒時間寫日記﹑沒時間玩 Lemmings.
不要以為我全不上心, 傾左幾日開始上腦架.
譬如, 街上見到女性的小蠻腰, 都忍唔住比擬起來...
男人腦袋由女人裸體組成的說法, 果是不錯.
話說實的, 我想幫下忙, 可是卻不知怎樣改變朋友的心, 變得堅強開放的方法.