長沙渡假屋

太子的課堂後進入長沙的路程真是黑仔 (不如說自己糊塗.) 第一錯是前晚手電沒叉好, 得返一格心驚膽跳冇埋. 沒有 TCH 電話號碼是其中一個小問題. E21A 不理三七廿一直到總站, 於是無端端去到逸東邨. 既然誤打誤撞來了, 吃個魚片米加凍檸茶再說. 之後胡亂問嶼巴路線浪費了三元. 在 A35 車程不懂路線, 向司機亂問一通吃了糗, 原來嶼南道轉右後會調頭. 不過以上都不算甚麼, 去到我上次入屋的地方之後打電話才知他們去了梅窩超市. 坐下等﹑唱住等, 等到在遊樂場sur了滑梯三遍, 愈等愈大汗, 差唔多個幾鐘後佢地打黎「我地返左屋啦」. 打個突, 做乜人影都唔見, 問另一間屋的人至知原來有兩個site, 要轉上轉左再轉上, 相隔十五分鐘步程之遠...... 死死地氣行到去至入到屋, 成頭濕晒喇, 好在冇乜味, 唉... 浪費左幾多時間, 唔想計喇, 如果唔係有人問真係要露宿郊外.

AI 充病再放飛機, 其他較熟的都唔黎, 吹脹, 但人數比例已比想像中要好. 我到達的時候已是八時多, 除了一眾男同事在起爐, 一堆女士在廚房弄菜, 其中Amy小姐原來是中大訊工的IE02師妹.

這間渡假屋比上次的大很多. 到屋第一件事是找房間替手電叉電. 大家在露台燒烤, 我則在室內花了幾個字的時間去散熱. 每燒完一件食物, 我就衝上樓上看看手電... 丸吃了不少, 雞扒豬扒之類也有. 眾口一辭 TCH 有大廚風範.

容許我說大家都品味差勁. 預備不足, 玩遊戲沒有癮頭. 某人帶來十蚊既大陸版大富翁實在爛, 地契﹑機會卡紙都薄過頭髮, 過份容易弄損, 仲要得十間酒店卻沒有屋子, 實在令人不想玩. 啤牌得一副, Uno 一堆, 波子棋沒有了, 連我都唔記得帶毽子 (留在書桌了!) 另一樣品味差勁的地方是, 沒人對我帶來的花生威化有興趣, 哼. 我第一次遇上人係咁樣鋤Ｄ的: 五條唔出係要出晒單張至出; 出完大dee之後又出返細單張; 第一輪用pair2吞掉別人的pair2... 大家玩遊戲沒有長力, 一樣野玩幾舖就話要轉. 連蓋棉胎 (唔好亂玩, 女人指甲好厲害!!)﹑killer﹑七級珠都拎返出黎玩, 實在... btw, 一個叫神秘力量的遊戲, 大家聽過嗎? 我未睇完就訓了, 不知箇中奧妙, 好像有點靈異似的.

四時多入睡, 七點起過身, 九點幾至正式醒來. 早餐弄丸子原本很好, 卻嫌海鮮醬太噁心, 唯有吃兩個"sap"蛋. 以為機師起薪點已經很高, 聞說投資銀行可以 90k 月薪聘用大學畢業生, 聽起來實在駭人. hea了好一段時間後往海灘, 三位慵懶女士留在屋睡覺. 眾人在海灘玩陣水後買個排球打, 但呢班友仔居然磋十幾分鐘波已經磋厭. 還記得我當年排球課差點肥佬, 死練都係拎條Ｄ. 再玩更無聊的游戲, 搞搞下個天黑晒打雷, 急急腳返屋. 一面hea一面看電視片集, 跟鄰屋交涉 (咱們有人碰花了車要賠), 離開. 坐巴士往梅窩在羅馬餐廳吃tea, 只食物有點茶餐廳feel. 咁既價, 算啦. 坐快船回中環, 船尾比船頭穩定得多, 散.

走時居然忘了帶走買來的排球, 浪費嘛... 或許下手會拿來玩的, 或許. 都花左好多錢勒, 渡假屋已經$177, 車費船費茶錢一大堆都唔知點計.

在紅磡火車站附近的商場吃晚飯, 心情煩躁. 路面上大班地產經紀, 有問我「睇唔睇樓」, 我好有衝動想答「睇你老尾！」

打風呀, 聽日快d八號啦, 唔q想返工.

※

C'mon! 我只係跟一眾普通朋友去個camp而已, 邊度係搵女朋友呀...