轉運

NSB last day.
很羨慕大派散水餅的人, 未必喜歡他們離去後的前途, 卻妒忌那種自傲的感覺: 我以後另起爐灶, 唔駛再係度撈啦! 你地班友慢慢玩落去啦! 西餅大把, 你地慢慢食啦! 享受平日見慣的同事們帶點驚訝 (保密得好的話) 又滿是羨慕的目光, 然後瀟灑地將明天的工作簡單地推給別人 (我!), 再然後, 第二天再也不用趕起床, 再也不用為這個那個頭痛. 想起自己僅有一次辭掉工作的時候還在試用期內, 老世二話不說便立即驅趕我執野走, 一星期的通知期也不用, 仲要望實驚死我偷佢野, 散水餅farewell party之類全都沒有, 真沒趣. 唔得, 一生人一定要豪返次, 呀唔係, 豪返幾次至好玩.

練 If Music Be the Food of Love. 音準的問題. 橙帶來的朋友 H 跟 W 原是同校同學, H 認得 W, W 卻沒認得 H, 但香港真是細得可以. 帶點沉厚的聲線, 唔駛問都係男低音啦卦?

吃Foodfest.
講開冥王星被丟出九大行星之列, 即被問及「你咪好慘囉！天蠍座冇左粒主星，畀人降左格，咁你以後仲點算好？…… 你最近有冇轉運？」
...是嗎...近來發生的事情確實很異常, 或者說從未在我身上發生過. 迷信地說說不定是星座作怪.

講返科學, 有一個問題－－為甚麼九大行星除了冥王星之外, 全都是在同一個平面上公轉的呢? 因為萬有引力將所有星球扯在同一平面上? 別的星系會不會有不同平面公轉的行星?