來自：ywsing0
時間：Mon Oct 30 21:48:57 2006
| 午間一時在銅鑼灣集合, 主角是中谷一人, 除了我們舊同事, 也有他的波友.起初以為他的波友是日本人, 他們又以為我是日本人, up左幾句英文一揭穿其實大家都講廣東話, 哈. 真正的日本人只有中谷一個而已. 有趣的是, 一叢香港人中, 沒人知道 Parkview 是甚麼, 沒人知道陽明山莊在那兒 (幸好的士佬知道). 唯一懂的卻是日本仔. (Mandy 約左人不到, 峰稱病.) 行山原來是從陽明山莊出發走到赤柱, 儘是上山下山上山下山上山下山. 上山固然透不過氣, 下山時腿也腳震震. 碎石路上走很易失平衡. 在第一個山腳吃水晶梨, 這真是行山的好配搭, 又多水份又唔飽又甜. Clement走在後尾不奇, 我居然走得快過大隻佬Adam倒有點意外. (佢話人人都話佢肥左好多喇.) 近十一月熱到流汗的天氣, 有理由相信地球氣溫已反常. 抵赤柱後在吃tea的時間開始吃晚餐, 在美利樓的德國餐廳 King Ludwig 坐下點菜, 因為訂了枱分了一張室外角落的位子, 對著海邊景色好得不能再好, 問題是侍應不太走來這兒招呼我們. 我不知這是參照歐洲傳統﹑還是侍應沒效率, 一味味菜就是來得很慢, anyway有水吹坐低慢慢來的享受很好. 先來麵包, 別人說是鵝肝醬的東西我是第一次吃, 味道不怎麼, 應該說沒味道吧? 一碟德國腸, 各式每條切八粒一人一粒, 是正的. 每人一粒鬼佬燒賣, 冇人知入面包緊乜東東. 別開生面的麵包咖哩雞配飯, 好在不算很辣. 還有侍應推介的豬手, 脆得很, 不算很喜歡. 埋單比想像中平, $124. 回想起來, 應該點甜品吃嘛! 這兒吃東西很有 holiday mood, 更正的是有一點德國旅遊的幻想. 一天都黑了以為很夜, 離去時才 1905. 回家坐 DA41@66, 司機很好傾：「呢架車唔可以一手車太過馬坑！」「（窄路上）對頭巴士要一路行一過的，家下佢停左係度大家都難過！」「係咪聽日 Halloween, 呢幾日闌桂坊同海洋公園好鬼多人呀！」 ※ 唔知大家男人係咪咁, 聽到 "結婚" 一詞就頭痛勒. 等身邊的人七七八八有歸宿果時, 先諗都唔遲啦. |